Føretak

Føretak

421 Seksjon for FoU, teknologi og næringslivets utvikling

Nasjonalt og fylke.

Føretaksstatistikken blir publisert årleg med foreløpige tal for år t og opphørte føretak for årene t-1 og t-2. Endelege tal blir publisert for året før. Nye registrerte føretak i år t er imidlertid endelige. Nye registrerte føretak blir og publisert kvartalsvis, om lag fem uker etter at kvartalet er slutt.

Føretak etter kjennetekn ved dei tilsette vart publisert årleg fram til 2017, men er utsatt på ubestemt tid.

Statistikk over årleg aktive føretak, nyetableringar og nedleggingar blir rapportert til Eurostat. Aktivitet er definert som høvesvis føretak med sysselsette, omsetning eller investeringer og føretak med lønstakarar.

Det blir og rapportert tal på nye føretak per kvartal.

Tala som blir rapportert til Eurostat, tilsvarar i hovedsak dei som blir publisert på www.ssb.no/foretak.

SSB lagrer innsamlede og reviderte data på en sikker måte, i tråd med gjeldende lovverk for databehandling.

SSB kan gi tilgang til datagrunnlaget (avidentifiserte eller anonymiserte mikrodata) som statistikken bygger på, til forskere og til offentlige myndigheter for utarbeiding av statistiske resultater og analyser. Tilgang kan gis etter søknad og på vilkår. Se mer om dette på Tilgang til data fra SSB.

Grunndataene kvalitetssikres ved utarbeidelse av primærstatistikkene de inngår i (næringslivets økonomiske utvikling, registerbasert arbeidsmarkedsstatistikk, regnskapsstatistikk, aksjemarkedsstatistikk, m.m.).

Ved omleggingen i 2023 (se Formål og historie) ble de nye tidsseriene kontrollert mot de gamle. Avvik ble forklart og eventuelle feil ble rettet.

Første nasjonale publisering var i desember 2004, med føretak definert som nyetablerte det året dei blei registrerte, og overlevande dersom dei hadde aktivitet i form av sysselsette og/eller omsetning. Første forordna rapportering til EU var i 2014 (telleår 2012), med føretak definert som nyetablerte høvesvis det året dei blei aktive første gong og eventuelle år kor dei blei reaktivert etter minst to års inaktivitet, og som overlevande alle påfølgande samanhengande år med aktivitet. Aktivitet blei definert på to ulike måtar, som sysselsette og/eller omsetning og som lønstakarar, og det blei rapportert seriar basert på kvar av dei to definisjonane.

I 2023 blei den nasjonale årlege statistikken lagt om, og hovudendringa er at statistikken nå inneheld tre versjonar av tala, kor nyetablerte føretak og aktivitet er definert på kvar sin måte – i tråd med høvesvis den tidlegare nasjonale statistikken og dei to definisjonane til EU. Versjonane omfattar:

• Registrerte føretak: Føretak reknast som nye ved registrering og ved gjenoppteken aktivitet i form av sysselsetting, omsetning eller investering. Overleving er definert ved fortsett aktivitet.
• Føretak med aktivitet: Føretak reknast som nye ved ny eller gjenoppteken aktivitet i form av sysselsetting, omsetning eller investeringar. Overleving er definert ved fortsett aktivitet.
• Føretak med lønstakarar: Føretak reknast som nye ved ny eller gjenoppteken aktivitet i form lønstakarar. Overleving er definert ved fortsett aktivitet (lønstakarar).

Andre endringar er at tabellar over nyetablerte føretaks overleving og vekst, samt tabellar som viser høgvekstføretak og gasellar, blir nå vist her saman med resten av føretaksdemografien. Det er dessutan lagd nye tabellar med endra innhald for dei årlege tala, og berekningane er lagt om, mellom anna for å følgje EUs definisjon av føretak, noko som fører til endring i tala. I tillegg blir det nå, saman med høgvekstføretak, publisert tal for føretak med stabil utvikling og føretak med stor nedgang. Endringane er tilbakeført gjennom tidsseriane.

Ein justert versjon av statistikkvariabelen sysselsette, kor oppdragstakarer og tilsette i svært små stillingar (< 4 timar per uke) er utelate, samt kategoriar av størrelse og type vekst basert på denne variabelen, er utarbeidd for å minimere bruddet ved innføringa av A-ordninga i 2015. Variabelen og kategoriane er å rekne som eksperimentell statistikk, og SSB held på å utvikle betre metoder for å minimere dette brotet.

Den kvartalsvise statistikken er ikkje lagt om, og blir publisert i berre ein versjon som samsvarar med «registrerte foretak».

Brukare av statistikken er offentleg forvaltning, forskingsmiljø, næringslivet og media. Den inngår òg som datagrunnlag i statistikken Etablerarar i næringslivet.

Ingen eksterne brukere har tilgang til statistikk før statistikken er publisert kl. 08.00 på ssb.no etter varsling minst tre måneder før i statistikkalenderen. Dette er et av de viktigste prinsippene i SSB for å sikre lik behandling av brukerne.

Populasjonen og berekninga av overleving er, vanlegvis, den same som i etablerarar i næringslivet – ein personstatistikk over gründerverksemd, for dei organisasjonsformene som er dekket av denne. Etter omlegginga av føretaksdemografien vil det likevel være avvik fram til etablerarstatistikken også er lagt om.

Statistikken er samordna med strukturstatistikkane (NØKU) på fleire måtar. For dei føretaka som er omfatta av NØKU, blir dei same tala brukt for omsetning, sysselsetting og lønstakarar. I tillegg brukast same avgrensing av marknadsretta aktivitet som i NØKU, basert på næring, organisasjonsform, sektorkode, registrering i ER, statuskode og føretakstype. dei to sistnemnde variablane er interne for SSBs verksemds- og føretaksregister (VoF), og viser mellom anna om føretaket har ein registrert aktivitet, og om det er eit hjelpeføretak, holdingføretak, mv. Små avvik mellom dei to statistikkane kan førekomme, som følgje av at føretaksstatistikken bruker andre datauttak frå VoF enn NØKU. For føretak som ikkje er omfatta av NØKU, blir registerberekna omsetning i VoF, subsidiært driftsinntekter, eller driftskostnader for næring 64, frå næringsoppgåve eller årsrekneskap brukt som tal for omsetning.[H1] I samband med omlegginga frå gamal til ny EU-forordning for næringsstatistikk kan det i ein overgangsperiode oppstå mindre avvik mellom føretaksstatistikken og NØKU.

Sysselsette og lønstakarar avviker noko i definisjonar og metode frå SSBs arbeidsmarknadsstatistikk, og det vil derfor være forskjellar i tala. Føretaksdemografien følgjer definisjonane som blir brukt i NØKU, og som er gitt i EUs forordning for næringsstatistikk (EBS-forordninga).

Talet på føretak avviker frå tala som blir publisert hos Brønnøysundregistrene (BR). Avvik frå Føretaksregisteret (FR), som er ein del av BR, skuldast særleg at FR ikkje omfattar alle juridiske einingar som driv næringsverksemd, da einskildpersonføretak utan lønstakarar ikkje er pliktige til å registrere seg i FR. Derimot blir overdragingar og eigarskifte haldne utanom i nokon av SSBs tabellar, mellom anna nyetablerte føretaks overleving og vekst. Talet avviker òg frå talet på juridiske einingar i Einingsregisteret (ER), sidan ER inkluderer juridiske einingar utan næringsverksemd. I tillegg er føretak i SSBs statistikk definert som autonome einingar, og hjelpeeiningar er derfor slått saman med den autonome juridiske eininga dei yter hjelpetenester til. I BR er det derimot den juridiske eininga som blir registrert.

Visse næringar er haldne utenom, mellombels eller permanent, grunna mangelfullt datagrunnlag (sjå Omfang).

Statistikken utvikles, utarbeides og formidles med hjemmel i lov av 21. juni 2019 nr. 32 om offisiell statistikk og Statistisk sentralbyrå (statistikkloven, lovdata.no).

Statistikken inngår i nasjonalt program for offisiell statistikk, hovedområde Virksomheter, foretak og regnskap, delområde Virksomheter og foretak.

Commission Regulation (EC) No 251/2009 of 11 March 2009.

Commission Regulation (EC) No 439/2014 of 29 April 2014.

Beregningsmetode og definisjoner i «Eurostat − OECD Manual on Business Demography Statistics. Methodologies and working papers. ISBN 978-92-79-04726-8».

2002 og framover.

Statistikken omfattar næringsretta aktivitet i alle næringar etter Standard for næringsgruppering (SN2007), unntatt næringane A Jordbruk, skogbruk og fiske og O Offentleg administrasjon og forsvar. Også desse næringane er haldne utanom, unntatt i tabellar over kvartalsvis nye føretak (08076 og 09028) og registrerte nye føretak (14009, 14010 og 14012), grunna mangelfullt datagrunnlag, inntil berekna grunndata er etablert: D Forsyning av elektrisitet, mv., K Finans og forsikring, P Undervisning, Q Helse og sosialtenester, R Kultur, underhaldning og fritid og S-U Annan næringsverksemd.

Næringsretta aktivitet er vidare avgrensa på bakgrunn av ein kombinasjon av næring, organisasjonsform, sektorkode, registrering som føretak i Einingsregisteret i Brønnøysund (ER), statuskode og føretakstype. Norske avdelingar av utanlandske føretak (NUF) og frivillige organisasjonar (FLI) som ikkje er registrert i Føretaksregisteret (FR) i Brønnøysund, driver ikkje næringsretta aktivitet og blir derfor haldne utanfor statistikken. Andre juridiske personar (ANNA) blir òg haldne utanfor, med mindre dei driv pensjonskasser (næring 65.300). Det same gjeld andre juridiske einingar som openbart ikkje driv næringsverksemd. Statistikken omfattar heller ikkje føretak som driv administrasjon og tenesteyting i stats- og trygdeforvaltninga (sektorkode 6100) eller i fylkeskommunar og kommunar (sektorkode 6500), sjølv om næringa dei høyrer til er omfatta av statistikken. For næringar som inneheld ei blanding av offentleg og privat tenesteyting, særleg kraft- og vassforsyning (næring 35 og 36), undervisning (næring 85) og helse- og sosiale tenester (næring 86, 87 og 88), kan tala derfor verke mangelfulle. Norges Bank (sektorkode 3100) er også haldne utanom. Føretak innanfor statens forretningsdrift, statleg eide føretak, statsføretak, kommunal forretningsdrift, sjølvstendige kommuneføretak og statlege låneinstitutt, det vil si føretak med sektorkode 1110, 1120, 1510, 1520 eller 3900, er derimot med i statistikken, dersom dei driv verksemd innanfor dei næringane som er dekka av den. Det same gjeldføretak innanfor alle andre sektorar.

Føretak som ennå ikkje har fått aktivitet i form av omsetning eller sysselsetting, er ikkje med i versjonen «aktive føretak» i dei årlege tabellane. Tilsvarande er føretak som ennå ikkje har fått lønstakarar, ikkje med i versjonen «føretak med lønstakarar».

Føretak som er inaktive i minst 2 år, telles som ikkje overlevde gjennom heile 5-årsperioden, sjølv om dei blir reaktiverte. Frå reaktiveringa av blir dei i staden telt som eit nytt separat føretak. Dette gjer at overlevde, sovande og inaktive føretak frå ein gitt kohort av nyetablerte føretak (dvs. førstegongsetableringar og reaktiveringar) alltid summerer opp til det opphavelege talet på eit nyetablerte føretak.

Føretaksdemografien byggjer på administrative opplysningar om dei juridiske einingane og dei underliggande verksemdene, samt tall for sysselsetting, lønstakarar, omsetning og investeringar. For fleire av finansnæringane er omsetning eit dårleg mål for aktivitet, og da blir i staden alternative størrelsar brukt. Dei administrative opplysningane blir i hovudsak henta frå SSBs verksemds- og føretaksregister (VoF), og både gjeldande og historiske opplysningar blir nytta. Stiftingsdato for aksjeselskap og registrering av stiftingar og NUF-er med tanke på næringsverksemd blir derimot henta frå Einingsregisteret i Brønnøysund (ER).

Sysselsetting i endelege tall blir henta frå VoF, som hentar dei fleste tal frå SSBs strukturundersøkingar (NØKU). Sysselsettingstala i NØKU bygger på den registerbaserte arbeidsmarknadsstatistikken, men er ytterlegare kvalitetssikra. For næringar og einskildføretak som ikkje er dekka av NØKU, er sysselsetting i VoF basert på talet på lønstakarar eller ulike estimeringsteknikkar. Talet på lønstakarar motsvarer talet på sysselsette minus talet på eigarar som jobbar i føretaket. Talet på eigarar er utleda frå organisasjonsform og ein nedre omsetningsgrense på 150 000 kr per eigar i 2021, inflasjonsjustert med konsumprisindeksen (KPI). Ved omsetning over grensa blir talet på eigarar i ENK sett lik 1, og i DA, ANS og PRE lik 2. Før innføringa av A-ordninga i 2015 er talet for lønstakarar lik talet på tilsette. Talet på tilsette motsvarer i hovudsak talet på lønstakarar minus oppdragstakarar og tilsette i svært små stillingar (under ca. 4 timer per uke), men det er også andre forskjellar.

Omsetning blir òg i hovudsak henta frå VoF, som for dei fleste næringar og organisasjonsformer har tala sine frå NØKU og administrative kjelder (MVA-registeret, sjølvmeldingsdata for sjølvstendig næringsdrivande og rekneskapsdata). For dei resterande næringane og organisasjonsformene er omsetning henta frå rekneskaps- og sjølvmeldingsdata eller imputert frå t.d. driftsinntekter.

Det er inga eige datainnsamling i føretaksdemografien, berre gjenbruk av administrative data og data frå statistiske undersøkingar. Med editering meiner vi kontroll, gransking og endring av data. Dataa som blir brukt til endelege tall og dataa for lønstakarar til foreløpige tall er editert under produksjonen av grunnlagsstatistikkane, medan omsetningsdataa til foreløpige tall er kvalitetssikra av SSB berre for næring G – N. Editeringa omfattar direkte kontakt med einingar, samt kopling mot administrative register i Overvakingssystemet for verksemder i VoF. Editeringa av næringskoder i VoF skjer m.a. gjennom administrative kjelder, gjennom kontakt med føretaka i produksjonen av grunnlagsstatistikkane og forvaltninga av VoF, og ved hjelp av meldingar om formålsendring til ER.

Kjeldedataa gjennomgår eit omfattande sett av bearbeidingar, før føretaka til slutt blir aggregerte til tabellar. Bearbeidingane omfattar:

• Innhenting og tilrettelegging av registerdata.
• Uttak og påkopling av variablar.
• Aggregering og konsolidering av juridiske einingar til (statistiske) føretak.
• Avgrensing av populasjonen for overleving og vekst.
• Merking av etableringsår og år med aktivitet.
• Påkopling av verksemder for å identifisere overdragingar og eigarskifte.
• Overføring av informasjon (organisasjonsnummer, næring, mv.) i samband med overdragingar frå opphaveleg til overtakande føretak.
• Merking av ulike typar etablering, overleving og ikkje-overleving.
• Berekning av alder.
• Avgrensing av populasjonen for høgvekstføretak, høgvekst-mikro-føretak, gasellar og mikro-gasellar.
• Berekning og kategorisering av vekst og høgvekst.
• Merking av konfidensielle data.
• Aggregering til tabellar.

I høgvekststatistikken er det den årlege vekstraten i siste 3 årsperiode som avgjer om føretaket er eit høgvekstføretak eller gaselle (dvs. ungt høgvekstføretak). Kategoriane av vekst, basert på denne raten, omfattar:

Ikkje relevant.

Tilsette i SSB har teieplikt.

SSB offentleggjer ikkje tal dersom det er fare for at bidrag frå oppgåvegivar kan bli avslørte. Dette fører til at tal som hovudregel ikkje blir publiserte dersom færre enn tre einingar ligg til grunn for ei celle i tabellen, eller dersom bidrag frå ein eller to oppgåvegivarar utgjer ein svært stor del av celletotalen.

SSB kan gjere unntak frå hovudregelen dersom det følgjer av krav til statistikk i EØS-avtalen, oppgåvegivar er offentleg myndigheit, oppgåvegivar har samtykt, eller når opplysningane som blir avslørte er ope tilgjengeleg i samfunnet.

Meir informasjon finn du i avsnittet ‘Konfidensialitet’ på SSBs side om metodar i offisiell statistikk.

Statistikken på nyetablerte føretaks overleving og dei andre delane av føretaksdemografien heng nøye saman. Føretak som var overlevande i år t, finst i bestanden til føretaksdemografien i t. Føretak som opphøyrde i t, finst blant føretaka som ikkje var overlevande i år t+1. Dei to statistikkane byggjer på same grunndata, og dei bruker same tal for omsetning, sysselsette og lønstakarar.

Sidan det kan ta tid å fastslå om eit føretak er i drift eller ikkje, er det gjort nokon pragmatiske tilpassingar. Den nasjonale statistikken over føretakas overleving skil mellom overlevde, sovande og ikkje-overlevde føretak. Sovande føretak blir definert som overlevde når dei gjenopptar aktiviteten, men kan ikkje bli identifisert som sovande før den neste årgangen med endeleg datagrunnlag syner at dei gjenopptok aktiviteten. I siste årgang med endelege tall og i dei foreløpige tala er derfor sovande føretak inkludert i kategorien «ikkje overlevde». I tabellar over opphøyrde føretak går tidsserien eitt år kortare enn i dei andre tabellane, og dei to siste årgangane i desse tabellane blir rekna som foreløpige. I bestandsstatistikken blir eit føretak rekna som aktivt dersom det hadde registrert aktivitet det aktuelle året. Det motsvarer overlevde føretak, og føretak av alle aldrar er omfatta. Dei foreløpige tala blir tilbakerekna ved neste årlege publisering, når endeleg datagrunnlag føreligg.

Omlegginga av føretaksdemografien har brakt den nasjonale publiseringa av føretaksdemografi meir i samsvar med rapporteringa av føretaksdemografi til Eurostat. Det blir publisert tre versjonar av tala, kor den eine (registrerte føretak) samsvarer med den gamle nasjonale føretaksdemografien, med nokon justeringar, medan dei to andre (aktive føretak og føretak med lønstakarar) samsvarer med rapporteringa til Eurostat, med visse små tilpassingar.

Føretaksdemografien er lagd slik at endringar i metode, datakjelder og definisjonar i størst mogleg grad skal kunne tilbakereknast gjennom tidsserien. Nokon brot er likevel ikkje til å unngå. I forklaringa nedanfor er det skild mellom brot som skuldast endringar i metode, datakjelder og/eller definisjonar, og varige eller forbigåande reelle endringar som følgje av til dømes endra lover og reglar.

Overgangsregel E til skatteloven i 2005: I samband med skattereforma frå 1.1 2006 blei det innført ein overgangsregel i 2005, som leda til opprettinga av ei rekkje holdingselskap. Dette ga ei stor reell auke i talet på registrerte nye føretak innanfor finansnæringa (næring K) dette eine året.

Regelendring for AS i 2012: Frå 1.1 2012 blei det lettare å etablere aksjeselskap, mellom anna fordi kravet til eigenkapital blei redusert. Dette ga ei reell og varig auke i talet på aksjeselskap frå og med 2012.

Omsetning for næring 06 (utvinning av råolje og naturgass): Til og med 2014-årgangen leverte oljeselskapa ordinære næringsoppgåver (RF-1167), medan etter det har dei levert ei ny eiga næringsoppgåve for utvinningsselskap (RF-1323, Skattemelding for selskap som blir omfatta av petroleumsskattelova). Dette påverkar omsetninga i næring 06, som frå og med 2015 er basert på berekna tal, men det påverkar ikkje kor vidt føretak har omsetning eller ikkje.

A-ordninga i 2015: Frå og med 2015 er talet på sysselsette basert på eigarar pluss lønstakarar frå A-ordninga. Fram til 2014 var talet på sysselsette basert på eigarar pluss tilsette frå AA-registeret. Hovudforskjellen er at lønstakarar omfattar oppdragstakarar (frilansarar og andre som jobbar for honorar), noko tilsette ikkje gjer. Dette ga ei varig auke i talet på sysselsette, som følgje av at datakjelda for talet er endra. Nærare forklaring av endringane ved innføring av A-ordninga er gitt i ein eigen artikkel under den registerbaserte sysselsettingsstatistikken.

Definisjonen av føretak: Fram til publiseringa av endelege tall for 2020 blei juridisk eining brukt som ein pragmatisk tilnærming til føretak i statistikken, medan frå endelege tall 2021 og foreløpige tall 2022 blir den offisielle føretaksdefinisjonen følgd. Endringa er ført tilbake til eldre årgangar i grunndataa, og gir derfor ikkje brot i tidsserien.

Utelatte næringar og sektor: Tal for visse næringar og ein sektor utelate frå dei fleste tabellane inntil vidare, fordi datagrunnlaget fram til og med 2020 var mangelfullt og/eller innehaldt brot. Desse omfattar:

• Forsyning av elektrisitet, gass-, damp og varmtvatn (D)
• Finansierings- og forsikringsverksemd (K)
• Undervisning (P)
• Helse- og sosialtenester (Q)
• Kulturell verksemd, underhaldning og fritidsaktivitetar (R)
• Annan næringsverksemd (S-U)
• Finansielle føretak (sektor)

I dei fleste tabellar i føretaksdemografien trengst fleire årgangar med grunndata for å lage ein tabellårgang, t.d. vekst siste 3 år og overlevinga til 5 år gamle føretak. I tabellar over nye registrerte føretak er likevel tal for desse næringane og sektoren publiserte, sidan manglane og brota ikkje gjeld registreringa av føretaka. På sikt er det eit mål å utvikle ein metode for å komplettere datagrunnlaget med imputeringar (berekningar), slik at næringane og sektoren kan takast med i alle tabellane.

Alle, unntatt offentleg sektor.

År og kvartal

Statistikken baserer seg på andre statistikkar og på administrative registrer, og har dei same feilkjeldene som desse. I overlevingsstatistikken og høgvekststatistikken vil feil påverke tala fleire år etter, fordi statistikken for eit gitt år byggjer på situasjonen fleire år tilbake (t.d. overlevinga til 5 år gamle føretak) og følgjer føretaka over tid (t.d. vekst siste 3-årsperiode).

Typiske registerfeil er manglande eller forelda opplysningar som følgje av etterslep i registreringane. Slike etterslep skuldast at innrapporteringar kjem seint og endringar blir registrert noko tid etter at dei har inntreffe. Det er først og fremst etterslep i dei administrative opplysningane i VoF som er relevante i føretaksdemografien. Manglande eller utdaterte administrative opplysningar kan føre til at føretak blir feilklassifisert eller hamnar i ein «ukjent»-kategori, og i versjonen «registrerte føretak» kan sein registrering av føretak føre til at etableringsåret blir skyve fram i tid, og at føretaket dermed får ein for låg alder.

De kvartalsvise tala for nye føretak er mest påverka av etterslep, sidan dei blir publisert kortast tid etter referanseperiodens utløp.

Resten av føretaksdemografien blir påverka på tilsvarande måte, men her er den prosentvise effekten langt mindre. I statistikken over nyetablerte føretaks overleving og vekst vil kategorien «ikkje overlevd» omfatte sovande føretak i det siste endelege telleåret.

Det er truleg noko manglande rapportering av omsetning blant dei aller minste føretaka, kor aktiviteten er marginal. Desse føretaka er det relativt mange av, samtidig som dei betyr lite for føretaksdemografiens grunnlagsstatistikkar (t.d. NØKU), og dermed er også kvalitetssikringa mindre omfattande her. I føretaksdemografien, kor talet på føretak er ein viktig variabel, utgjer derimot marginale føretak ein betydeleg del. Dersom rapporteringa manglar kvart år, blir både etableringar, bestand og talet på overlevende føretak underestimert. Dersom den manglar berre i periodar, blir derimot talet på etableringar overestimert grunna reaktiveringar, mens bestand og talet på overlevande blir underestimert. Samlet sett fører manglande rapportering av omsetning blant dei aller minste føretaka truleg til ein viss underestimering av bestand og talet på overlevande føretak, medan effekten på etableringar er meir usikker.

Når nye føretak blir registrert, skal dei opplyse om kor vidt dette er ein nystarta aktivitet eller eit eigarskifte. Der slike opplysningar manglar, blir det gjort ein dublettkontroll mot eksisterande føretak for å identifisere eventuelle eigarskifte. Eigarskifte blir også identifisert ved å følgje verksemda si føretaksknyting frå år til år. Føretak der opplysningar om eigarskifte ikkje blir rapportert og der også verksemda får nytt nummer, risikerer å ikkje bli fanget opp i desse rutinane. Det er ukjent kor mange eigarskifte dette gjeld, så talet på eigarskifte kan være noko for lågt og at talet på nyetableringar dermed noko for høgt. Truleg er denne feilkjelda likevel liten.

Talet på sysselsette, lønstakarar, mv. er berekna som gjennomsnittet over alle årets 12 månader, også i oppstartsåret. Desse tala blir dermed lågare for etableringsåret sett under eitt enn aktivitetsnivået tilseier. Dette er ikkje strengt tatt ein feilkjelde, men påverkar tal for etableringsåret over volumstørrelsar, så vel som fordelingar etter føretaksstorleik og veksten frå oppstartsåret til året etter.

Revisjon er planlagt endring av tall som alt er publisert, for eksempel ved publisering av endelige tall der det tidligere har vært publisert foreløpige tall.

Foreløpige tall: I den årlige foretaksdemografien er siste årgang med tall (dvs. årgangen før publiseringsåret) foreløpige.

Metodeendring: I 2023 ble det gjort enkelte metodiske endringer. For å unngå brudd i statistikken ble de gamle tidsseriene erstattet av nye.

Se også SSBs prinsipper for revisjon.