Statistikk innhold
Statistikk om
Norske dotterselskap i utlandet
Statistikken gir ei oversikt over norsk næringsliv i utlandet. Dette gjeld norske dotterselskap i utlandet som er kontrollerte frå Noreg og har Noreg som ultimate eigarland. I statistikken finn du tal for føretak, sysselsette, omsetning, lønnskostnadar og bruttoinvesteringar, fordelt etter næring og land.
Utvalde tal frå denne statistikken
- Norske dotterselskap i utlandetLast ned tabell som ...Norske dotterselskap i utlandet
2024 Føretak Omsetning (mill. kr) Sysselsette Lønnskostnader (mill. kr) Brutto investeringar (mill. kr) Alle land 4 269 2 016 668 274 037 221 845 : Europa 3 141 1 099 313 182 021 149 980 : Afrika 114 43 800 3 921 1 468 : Asia 460 197 278 33 417 18 567 : Nord-, Sentral-Amerika og Karibia 362 487 733 28 071 33 824 : Sør-Amerika 122 167 652 24 378 14 865 : Oseania 70 20 893 2 229 3 141 : Standardteikn i tabellarLast ned tabell som ... - Norske dotterselskap i utlandet, etter næring (SN2007)Last ned tabell som ...Norske dotterselskap i utlandet, etter næring (SN2007)
2023 2024 Føretak Omsetning (mill. kr) Sysselsette Føretak Omsetning (mill. kr) Sysselsette Alle næringar 4 247 2 004 404 273 467 4 269 2 016 668 274 037 Jordbruk, skogbruk og fiske 59 45 699 7 768 62 51 788 6 382 Bergverksdrift og utvinning 108 467 671 6 596 91 442 946 7 456 Industri 823 558 406 104 885 833 558 463 105 076 Elektrisitet, gass, vatn, avløp, renovasjon 144 73 352 2 675 166 37 884 2 341 Byggje- og anleggsverksemd 75 25 645 5 515 104 33 613 6 681 Varehandel, reparasjon av motorvogner 698 377 960 39 471 712 410 442 40 078 Transport og lagring 373 104 417 21 408 308 96 287 19 018 Overnattings- og serveringsverksemd 136 13 588 10 017 130 13 454 7 230 Informasjon og kommunikasjon 352 135 758 22 709 362 150 684 23 286 Finansierings- og forsikringsverksemd 322 75 455 6 188 333 71 646 5 819 Omsetning og drift av fast eigedom 334 19 024 2 238 334 18 514 : Fagleg, vitskapleg og teknisk tenesteyting 600 83 500 25 500 605 101 592 28 239 Forretningsmessig tenesteyting 157 19 195 10 532 170 23 781 13 708 Øvrige næringar 66 4 734 7 965 59 5 574 : Standardteikn i tabellarLast ned tabell som ... - Norske dotterselskap i utlandet, geografisk fordelingLast ned tabell som ...Norske dotterselskap i utlandet, geografisk fordeling
2023 2024 Føretak Omsetning (mill. kr) Sysselsette Føretak Omsetning (mill. kr) Sysselsette Alle land 4 247 2 004 404 273 467 4 269 2 016 668 274 037 Verdsdelar Europa 3 098 1 019 307 181 811 3 141 1 099 313 182 021 Afrika 120 51 431 3 531 114 43 800 3 921 Asia 475 214 434 34 188 460 197 278 33 417 Nord-, Sentral-Amerika og Karibia 366 535 816 29 740 362 487 733 28 071 Sør-Amerika 120 165 433 21 888 122 167 652 24 378 Oseania 68 17 984 2 309 70 20 893 2 229 Utvalde landgrupper EU 2 694 858 937 162 564 2 717 921 333 162 799 Europa unntatt EU og Norden 373 152 477 18 195 391 169 995 18 087 Norden 1 380 : : 1 472 : : ASEAN1 179 84 460 10 187 177 87 044 9 980 Finansielle offshore sentra2 163 : : 174 : : Utvalde land Sverige 840 279 217 55 285 912 306 262 53 160 Danmark 315 169 025 20 318 320 175 347 21 696 Tyskland 203 70 794 8 966 240 75 560 9 402 Storbritannia 266 82 528 15 068 284 95 508 15 170 USA 264 488 465 19 124 261 438 565 18 480 Brasil 83 141 151 17 249 82 137 901 19 810 1ASEAN: Brunei Darussalam, Indonesia, Kambodsja, Laos, Myanmar/Burma, Malaysia, Filippinene, Singapore, Thailand, Vietnam. 2Finansielle offshore sentra: Andorra, Antigua og Barbuda, Anguilla, De nederlandske Antillene (t.o.m. 2010), Aruba (f.o.m. 2011), Barbados, Bahrain, Bermuda, Bahamas, Belize, Cookøyene, Curaçao (f.o.m. 2011), Dominica, Grenada, Guernsey, Gibraltar, Hong Kong, Isle of Man, Jersey, Jamaica (t.o.m. 2010), Saint Kitts og Nevis, Caymanøyene, Libanon, Saint Lucia, Liechtenstein, Liberia, Marshalløyene, Mauritius (f.o.m. 2011), Montserrat, Maldivene (t.o.m. 2010), Nauru, Niue, Panama, Filippinene, Seychellene (f.o.m. 2011), Singapore, Turks og Caicosøyene, Sint Maarten (Nederlandsk del) (f.o.m. 2011), Saint Vincent og Grenadine, Jomfruøyene (Britisk), Jomfruøyene (US),Vanuatu, Samoa Standardteikn i tabellarLast ned tabell som ...
Om statistikken
Informasjonen under «Om statistikken» blei sist oppdatert 17. desember 2025.
Norske dotterselskap i utlandet
Eit norsk dotterselskap i utlandet er eit føretak i utlandet som er kontrollert frå Noreg, ved at eit føretak eller ei anna økonomisk eining i Noreg eig over 50 prosent av det.
Føretak
Etter Standard for næringsgruppering (SN2007) er eit føretak definert som den minste kombinasjonen av juridiske einingar som produserer varer eller tenester, og som til ein viss grad har sjølvstendig avgjerdsmyndigheit. I statistikken vert ein juridisk eining behandla som eit føretak. Eksemplar på juridiske einingar er aksjeføretak, ansvarleg føretak og enkeltpersonføretak. Berre aktive føretak, med omsetning og/eller sysselsette og/eller lønnskostnadar og/eller bruttoinvesteringar, er med i populasjonen.
Sysselsette
Med sysselsette meiner ein summen av eigarar og lønnstakarar som arbeider i føretaket. Personar med meir enn eitt arbeidsforhold kan verte telte med som sysselsette i fleire næringar. Sysselsettingstala viser eit gjennomsnitt av talet på sysselsette i løpet av året.
Omsetning
Omsetning er definert som føretaket sine driftsinntekter fråtrekt offentlege tilskot og gevinst ved sal av anleggsmidlar. Skattar og avgifter er inkluderte, meirverdiavgift er ikkje inkludert.
For selskap innan finansnæring som er klassifisert som eit «Holdingselskap» eller «Verdipapirfond, investeringsselskap og liknande.», så vil totale driftskostnader gjelde dersom omsetning ikkje er tilgjengeleg i årsmeldinga/rekneskapsføringa.
Lønnskostnadar
Lønnskostnadar omfattar lønn, feriepengar, honorar og liknande, arbeidsgivaravgift til folketrygda, innberetningspliktige pensjonskostnader og andre personalkostnadar. Lønnskostnadar omfattar ikkje godtgjersle til eigar av enkeltpersonføretak eller ansvarlege selskap og til familiemedlemmar utan fast lønn.
Bruttoinvesteringar
Bruttoinvesteringar omfattar anskaffingar av fast realkapital som tomter, bygningar og anlegg (unntatt bustad), maskiner, verktøy, reiskap, inventar og transportmidlar (unntatt til privat bruk), både nye og brukte. Påkostnadar er inkludert i bruttoinvesteringar.
Ultimate eigerland
Ultimate eigarland er landet der det "siste" føretaket eller personen i eigarkjeda ligg eller er busett. Det vil seie føretak som ikkje er kontrollerte av eit anna føretak, eller siste person i eigarkjeda.
Utgåande FATS
Statistikken er internasjonalt kjend som Outward Foreign Affiliates Statistics (OFATS). Den vert i kortform også kalla "utgåande FATS".
Næringsgrupperinga er i samsvar med norsk Standard for næringsgruppering (SN2007), som byggjer på EUs næringsstandard NACE rev. 2 og FNs næringsstandard ISIC Rev. 3.
Namn: Norske dotterselskap i utlandet
Emne: Utenriksøkonomi
Seksjon for finansregnskap
Nasjonalt nivå. Utlandet er landfordelt.
Statistikken vert publisert årleg, innan 20 månader etter referanseåret.
Rapportering til EU sitt statistiske kontor Eurostat.
SSB lagrar innsamla og reviderte data på ein sikker måte, i tråd med gjeldande lovverk for databehandling.
SSB kan gi tilgang til datagrunnlaget (avidentifiserte eller anonymiserte mikrodata) som statistikken byggjer på, til forskarar og til offentlege myndigheiter som skal utarbeide statistiske resultat og analysar. Tilgang kan blir gitt etter søknad og på vilkår. Sjå meir om dette på Tilgang til data frå SSB.
Føremålet er å gi ei oversikt over norske dotterselskap sin økonomiske aktivitet i utlandet.
I Noreg blei tal for norske dotterselskap sin aktivitet i utlandet samla inn for første gang i 2008 med tal for omsetning, sysselsetting og føretak. Frå referanseår 2021 blei det også publisert tal for lønnskostnadar og bruttoinvesteringar.
Tal frå statistikken vert nytta til mellom anna måling av graden av globalisering, internasjonale handelsforhandlingar og økonomisk forsking.
Brukarar av statistikken er myndigheiter, næringslivet, ambassadar, utdannings- og forskingsinstitusjonar med fleire. Dessutan vert data rapportert til Eurostat og OECD, i tråd med pliktar i høve til EØS-avtalen og andre internasjonale avtaler.
Ingen eksterne brukarar har tilgang til statistikk før statistikken er publisert kl. 08.00 på ssb.no etter varsling minst tre månader før i statistikkalenderen. Dette er eit av dei viktigaste prinsippa i SSB for å sikre lik behandling av brukarane.
Statistikk som ligg innanfor same område som statistikken Norske dotterselskap i utlandet, er statistikken Direkteinvesteringer. Denne statistikken gir informasjon om norske direkteinvesteringar i utlandet og syner fordringar overfor utlandet i form av norskeigd kapital knytt til direkteinvesteringar.
Direkteinvesteringer seier lite om korleis norske eigarinteresser i utlandet påverkar økonomien i dei landa ein har investert i. Statistikken over norske dotterselskap i utlandet gjer oss i større grad i stand til å beskrive denne påverknaden.
Statistikken over utanlandske dotterselskap i Noreg viser tilsvarande forhold der utlendingar kontrollerer norske føretak. Statistikken byggjer på tilsvarande internasjonale krav som statistikken over norske dotterselskap i utlandet.
Statistikken blir utvikla, utarbeidd og formidla med heimel i lov av 21. juni 2019 nr. 32 om offisiell statistikk og Statistisk sentralbyrå (statistikkloven, lovdata.no).
Statistikken inngår i nasjonalt program for offisiell statistikk 2021-2023, hovudområde Utenriksøkonomi, delområde Økonomisk globalisering.
Europaparlaments- og rådsforordning (EØF) 2019/2152 av 27. november 2019 om Europeisk næringsstatistikk (EBS forordninga). I tillegg er Kommisjonens gjennomføringsforordning (EU) 2020/1197 av 30. juli 2020 som fastset tekniske spesifikasjonar og ordningar i samsvar med EBS-forordningen.
Statistikken vert utarbeida i tråd med anbefalingar frå Eurostat, nedfelt i "Recommendations manual on the Production of Foreign Affiliates Statistics". I 2023 kom det nye retningslinjer i tråd med EBS forordninga gjeldane frå og med referanseår 2021.
Statistikken dekkjer norske dotterselskap i utlandet, det vil seie dotterselskap som vert kontrollerte anten direkte eller indirekte av eit føretak i Noreg. Sjå punkt under overskrifta Definisjonar for nærmare definisjon av norske dotterselskap. Berre aktive føretak, med omsetning, sysselsette, lønnskostnader eller bruttoinvesteringar, er med i populasjonen. Statistikken omfattar i prinsippet alle norske institusjonelle sektorar, men ikkje-finansielle føretak er i denne samanhengen den viktigaste sektoren.
Statistikken byggjer på SSB si eiga datainnsamling (utvalundersøkinga «Investeringer i utlandet») som hentar inn rekneskapsinformasjon om omsetning, bruttoinvesteringar, lønnskostnadar og sysselsette i utanlandske føretak eigde frå Noreg. I tillegg kjem informasjon frå årsrekneskap sende inn til Brønnøysundregistra, og frå media. Dette nyttar vi til å kartleggje endringar i investeringar i utlandet og kva som er ultimate eigarland for føretaka.
Utvalet dekkjer dei største føretaka (Cut-off utval). Storleiken på utvalet har auka sidan det første året det vart samla inn tal for (2008). Dei aller største føretaka har vore med heile tida.
Datainnsamling
Statistikk over norske dotterselskap sin aktivitet i utlandet byggjer på SSB si innsamling av opplysningar om investeringar i utlandet. Statistikkgrunnlaget vert samla inn saman med informasjon til statistikken Direkteinvesteringer.
Redigering
Med redigering meiner vi kontroll, gransking og endring av data. Dei innsamla dataa vert i stor grad kontrollerte mot fjorårstal og informasjon frå årsrekneskapane sende inn til Rekneskapsregisteret i Brønnøysund. For dei føretaka som er med i undersøkinga, gjer vi ein kontroll av eigarskapet gjennom å nytte informasjon frå rekneskapar og føretaka sine heimesider og liknande om dei ultimate eigarlanda til føretaka. Berre dei som har Noreg som ultimate eigarland, det vil sei norske dotterselskap, er med i denne statistikken.
Næringsplassering blir rapportert frå det norske selskapet som eig dei utanlandske selskapa. Dersom ikkje næring blir oppgitt i undersøkinga så bruker vi næringa til det norske selskapet om næringsinformasjonen ikkje ligg i EuroGroup Register. EuroGroupRegister er eit register over multinasjonale konsern i Europa
Berekningar
Vi har ikkje etablert metodar for å blåse opp tala til populasjonsnivå for tal på føretak, omsetning, sysselsette, lønnskostnadar og bruttoinvesteringar i utlandet.
Ikkje relevant
Tilsette i SSB har teieplikt.
SSB offentleggjer ikkje tal dersom det er fare for at bidrag frå oppgåvegjevar kan bli avslørte. Dette fører til at tal som hovudregel ikkje blir publiserte dersom færre enn tre einingar ligg til grunn for ei celle i tabellen, eller dersom bidrag frå ein eller to oppgåvegjevarar utgjer ein svært stor del av celletotalen.
SSB kan gjer unntak frå hovudregelen dersom det følgjer av krav til statistikk i EØS-avtalen, oppgåvegjevar er offentleg myndigheit, oppgåvegjevar har samtykt, eller når opplysningane som blir avslørte er ope tilgjengeleg i samfunnet.
For å sikre konfidensialitet blir metoden «undertrykking» nytta i denne statistikken.
Meir informasjon finn du i avsnittet Konfidensialitet på SSBs side om metodar i offisiell statistikk.
Utvalet av føretak i statistikken har blitt større sidan starten i 2008, og dette kan påverke samanlikning av resultata over tid, særleg for nivåtal. Statistikkpopulasjonen kan variere noko frå år til år på grunn av eigarskap der statistikken berre omfattar norskeigde føretak, ultimat eigde frå Noreg.
For referanseår 2021 vart det publisert to nye variablar som også påverkar samanlikning over tid.
Kvaliteten på statistikken vert påverka av registreringsgrunnlaget for utvalet og kvaliteten på dataa som vert innrapporterte. Dei vanlegaste feilkjeldene er:
- at oppgåvegjevaren brukar feilaktig skala, til dømes kroner i staden for tusen kroner.
- at oppgåvegjevaren gjer feil vurdering av kva SSB krev av tal.
- at SSBs skjema og rapporteringsprosedyre ikkje er bra nok.
- at SSBs sin behandling av data i samband med innregistrering kan føre til feil.
Statistikk over aktiviteten til norske dotterselskap i utlandet byggjer på SSB sin eige innsamling. Vi både purrar og gir tvangsmulkt etter dei reglane som gjeld i statistikklova. Det kan hende at nokre einingar lar vere å overhalde rapporteringsplikta, men alle viktige einingar er med i statistikken.
Det finst nokre svakheiter med omsyn til populasjonsoppdatering og utvalstrekking. For å sikre høg grad av relevans til lågast mogleg kostnad, legg vi stor vekt på å dekkje store einingar i populasjonen målt ved storleiken på variablane som skal rapporterast.
Utvalstrekkinga føreset i utgangspunktet at sjølve populasjonen omfattar dei aller fleste einingane som har økonomiske fordringar og gjeld mot utlandet. Vi har så langt inga samla oversikt over føretak som har slike mellomværande, og i praksis vil det derfor vere vanskeleg å fange opp alle relevante einingar ved utgangen av den enkelte rapporteringsperioden.
Vanlegvis blir fjorårets tal reviderte ved publisering. Revisjon i SSB
Kontakt
Relatert innhold
Analysar, artiklar og publikasjonar
Artikkel / 17. desember 2025Industrinæringa bidrar mest til norske dotterselskap sin omsetning i utlandetI 2024 var den totale omsetninga på 2 017 milliardar kroner, fordelt på 4 269 norske dotterselskap i utlandet. Desse dotterselskapa sysselsette til saman 272 591 personar. I 2024 auka lønnskostnadane til dei norske dotterselskapa med 15 prosent samanlikna med tal for 2023.
Artikkel / 18. februar 2021Høg omsetningstal for norske dotterselskap i utlandetI 2019 ga utvalet for norske dotterselskap i utlandet ein samla omsetning på 1 429 milliardar kroner, ein auking på over 3 prosent frå 2018. Statistikken viser en auke i omsetning over store deler av verda for norskeigde selskap som operera i utlandet.
