Skatt for selskap

Namn: Skatt for selskap

Emne: Bedrifter, føretak og rekneskap

Seksjon for rekneskapsstatistikk og BoF

Nasjonalt nivå og den norske kontinentalsokkelen.

Årleg.

Data blir innhenta etter ordinær skattefastsetjing, det vil seie 10 månader etter teljeåret, og statistikken blir publisert 2 månadar seinare.

Ikkje relevant

SSB lagrar innsamla og reviderte data på ein sikker måte, i tråd med gjeldande lovverk for databehandling.

SSB kan gje tilgang til datagrunnlaget (avidentifiserte eller anonymiserte mikrodata) som statistikken byggjer på, til forskarar og til offentlege myndigheiter som skal utarbeide statistiske resultat og analysar. Tilgang kan bli gjeven etter søknad og på vilkår. Sjå meir om dette på Tilgang til data fra SSB.

Systemet for kvalitetssikring av norsk offisiell statistikk er basert på kvalitetskrav i statistikklova og Retningslinjer for europeisk statistikk. I den årlege rapporten om kvalitet i offisiell statistikk blir etterlevinga av kvalitetskrava for all offisiell statistikk vurdert samla.

Nasjonalt program for offisiell statistikk set rammene for kva område SSB og andre offentlege styresmakter skal produsere statistikk om. Programmet definerer og avgrensar offisiell statistikk.

Utfyllande informasjon om systemet for kvalitet i offisiell statistikk finst på ssb.no.

Skattestatistikken viser skattepliktig inntekt og formue, skatt før frådrag, skattefrådrag og sum utlikna skatt for selskap, totalt og etter næring. Skatten og frådraga er fordelte etter skattereglar.

Statistisk sentralbyrå har sidan 1884 utarbeidd årleg statistikk over kommuneskattelikninga og frå 1936 også over statsskattelikninga. Statistikken er presentert årleg frå 1976 i sin noverande form. I samband med skattereforma i 1992 vart det gjort store endringar i skattereglane. Ved samanlikning av tal for utlikna skatt over tid, må regelendringar takast med i betraktning. I tillegg til skattereforma er det gjennomført fleire andre regelendringar for skattlegging av selskap. Mellom anna vart bestemmingane om stadbunden skattlegging oppheva frå og med inntektsåret 1998.

Formålet med statistikken for oljeselskap er å vise omfanget til petroleumsskattelova. Statistikken er publisert årleg sidan 1985. Dei utanlandske selskapa som yter tenester på norsk sokkel er inkluderte i selskap med ordinær skattlegging og blir ikkje rekna som petroleumsselskap frå og med 2018.

Skattestatistikken for kraftverk viser i kva grad skattereglane kjem til bruk og korleis dei fungerer for vasskraftselskap. Statistisk sentralbyrå har laga skattestatistikk for vasskraftverk årleg sidan inntektsåret 1997 då nye reglar for skattlegging av kraftverk vart innført. Reglane erstatta dei tidlegare bestemmingane om prosentinntekt og formuesskatt for kraftselskap.

Skattestatistikk for reiarlag vart etablert frå og med inntektsåret 1996 då dei særskilde skattereglane for skipsaksjeselskap vart innførte. Statistikken gir innsikt i kor utbreidd den frivillige ordninga for skipsaksjeselskap er, og dessutan korleis dei særskilde reglane fungerer i praksis. Dersom visse krav er oppfylte i samsvar med føresegnene i §§ 8-10 til 8-20, kan selskapet sjølv velje om det skal skattleggjast etter dei særskilde reglane for skipsaksjeselskap eller etter ordinære skattereglar.

I 2007 vart skattestatistikk for etterskotspliktige, skattestatistikk for kraftverk, inntektsstatistikk for oljeselskap og skattestatistikk for reiarlag slått saman til ein statistikk, Skatt for selskap.

Frå og med Skatt for selskap 2017 er selskap som betaler finansskatt, skilde ut som ein eigen skatteregel og blir ikkje rekna som selskap med ordinær skattlegging.

Havbruksselskap som har akvakulturløyve etter akvakulturlova §§ 6 og 7, blir skattlagde for grunnrenteskatt frå inntektsåret 2023.

Frå og med inntektsåret 2024 blir landbasert vindkraftselskap skattlagde for grunnrenteskatt etter skattelova §§ 18-10 til 18-11.

I statistikken blir vasskraftselskap og landbaserte vindkraftselskap presenterte i éin og same tabell frå og med inntektsåret 2024.

Sentrale brukarar av statistikken er Finansdepartementet, forskingsmiljø både internt og eksternt, og dessutan media. Statistikken blir nytta til å belyse verknaden av endringar i skattereglane, provenyeffektar og generell skatteforsking. Resultata frå statistikken blir mellom anna nytta i nasjonalrekneskapen og i statsbudsjettet.

Ingen eksterne brukarar har tilgang til statistikk før statistikken er publisert kl. 08.00 på ssb.no etter varsling minst tre månader før i statistikkalenderen. Dette er eit av dei viktigaste prinsippa i SSB for å sikre lik behandling av brukarane.

Ein del av tala frå Skatt for selskap inngår også i Selskapers inntekter og fradrag.

Selskapa som inngår i rekneskapsstatistikken Regnskap for ikke-finansielle aksjeselskap, inngår også i Skatt for selskap. Rekneskapsstatistikken har informasjon om resultatrekneskap og balanse, noko som ikkje blir omfatta av Skatt for selskap.

Statistikken blir utvikla, utarbeidd og formidla med heimel i lov av 21. juni 2019 nr. 32 om offisiell statistikk og Statistisk sentralbyrå (statistikkloven, lovdata.no).

Statistikken inngår i nasjonalt program for offisiell statistikk 2024-2027, hovudområde Virksomheter, foretak og regnskap, delområde Skatt for næringsvirksomhet.

Ikkje relevant

Årlege seriar frå 1996 og framover.

Statistikken omfattar alle selskap som mottek skatteoppgjer upersonleg. Dette omfattar i hovudsak aksjeselskap, men også foreiningar, samvirkelag, filialar av utanlandske selskap, institusjonar, andelslag, verdipapirfond, bustadbyggjelag, sparebankar med meir.

Statistikken byggjer på opplysningar frå skatteoppgjeret for upersonlege levert av Skatteetaten. Informasjon om mellom anna næring blir henta frå Bedrifts- og føretaksregisteret (BoF) til SSB. Opplysningar om finansskatt på lønn blir henta inn gjennom a-ordninga. Grunnrenteinntekt for havbruk blir berekna på bakgrunn av opplysningar henta frå skattemelding for upersonlege.

Statistikken nyttar totalteljing.

Datainnsamling

Statistisk sentralbyrå hentar inn opplysningar frå skatteoppgjeret for upersonlege via API frå Skatteetatens moderniserte skatteoppgjer (Sirius) om selskap etter at skatteberekningar er gjennomførte. I prinsippet blir opplysningane henta inn før eventuelle klage- og endringssaker. Slike saker kan gå over lang tid, og av omsyn til aktualiteten blir opplysningane henta inn etter ordinær likning. Datainnsamlinga blir gjennomført i november året etter inntektsåret som blir dekt.

Etter at data er samla inn til Statistisk sentralbyrå og kontrollerte, blir informasjon om mellom anna næring frå Statistisk sentralbyrås bedrifts- og føretaksregister (BoF) kopla på datasettet. Opplysningar om finansskatt på lønn blir innhenta gjennom a-ordninga.

Grunnrenteinntekt for havbruk blir berekna på bakgrunn av opplysningar henta frå skattemelding for upersonlege via API.

Editering

Med editering meiner vi kontroll, gransking og endring av data.

Både Skatteetaten og Statistisk sentralbyrå gjennomfører ei rekkje kontrollar for å sikre at opplysningane er korrekt registrerte.

Skatteetaten bereknar skattar på grunnlag av opplysningar frå skattemeldinga som selskapa sender inn til Skatteetaten frå eit rekneskapssystem eller eit årsoppgjersprogram.

Statistisk sentralbyrås revisjonsrutinar kontrollerer mellom anna at det er samsvar mellom skattegrunnlaga og utlikna skattar, og at opplysningane stemmer med andre tilgjengelege datakjelder.

Berekningar

Statistikken blir anten berekna ved å telje alle einingane med ein bestemt eigenskap, til dømes talet på selskap i skatteposisjon, eller ved å summere ein bestemt variabel for alle einingar i statistikken, til dømes inntektsskatt.

Ikkje relevant

Tilsette i SSB har teieplikt.

SSB offentleggjer ikkje tal dersom det er fare for at bidrag frå oppgåvegivar kan bli avslørte. Dette fører til at tal som hovudregel ikkje blir publiserte dersom færre enn tre einingar ligg til grunn for ei celle i tabellen, eller dersom bidrag frå ein eller to oppgåvegivarar utgjer ein svært stor del av celletotalen.

SSB kan gjere unntak frå hovudregelen dersom det følgjer av krav til statistikk i EØS-avtalen, oppgåvegivar er offentleg myndigheit, oppgåvegivar har samtykt, eller når opplysningane som blir avslørte er ope tilgjengeleg i samfunnet.

Meir informasjon finn du i avsnittet ‘Konfidensialitet’ på SSBs side om metodar i offisiell statistikk.

For å sikre konfidensialitet blir metoden undertrykking nytta i denne statistikken.

Totaltala i statistikken er samanliknbare tilbake til 1976. I samband med skattereforma i 1992 vart det gjort store endringar i skattereglane. I tillegg til skattereforma er det gjennomført fleire andre regelendringar for skattlegging av selskap. Mellom anna vart det innført nye reglar for skipsaksjeselskap i 1996 og for vasskraftselskap i 1997, medan bestemmingane om stadbunden skattlegging vart oppheva frå og med inntektsåret 1998. Endringane i skattesystemet blir reflekterte i datagrunnlaget og kan påverke kontinuiteten i tidsseriane. Det må difor takast omsyn til regelendringar i løpet av perioden når data blir samanlikna over tid. Ved samanlikning av tal for ulike år vil også endringar i næringsplasseringar og strukturelle endringar i næringar kunne påverke tala.

Innføringa av ny skatteforvaltningslov, som gjeld frå inntektsåret 2017, har ført til endringar i Skatteetatens behandling av naturressursskatten. Naturressursskatt blei tidlegare betalt til kommunen og fylkeskommunen der vasskraftverket var lokalisert, men frå inntektsåret 2017 blir naturressursskatten ført til rekneskapskommunen til selskapet i skatteoppgjeret for upersonlege. Dette har medført ein stor reduksjon i talet på observasjonar.

Frå og med Skatt for selskap 2017 er selskap som har fastsett finansskatt skilde ut som ein eigen skatteregel og blir ikkje rekna som selskap med ordinær skattlegging.

Dei utanlandske selskapa som yter tenester på norsk sokkel er inkluderte i selskap med ordinær skattlegging og blir ikkje rekna som petroleumsselskap frå og med 2018.

Havbruksselskap som har akvakulturløyve etter akvakulturlova §§ 6 og 7 blir skattlagde for grunnrenteskatt frå inntektsåret 2023.

Skatteetaten la om til ny skattemelding for upersonlege frå og med inntektsåret 2023, der dei tidlegare RF-skjemaa vart erstatta av skattemelding og næringsspesifikasjon. Alle selskap skal levere skattemeldinga gjennom eit rekneskapssystem eller eit årsoppgjersprogram.

Statistisk sentralbyrå har som følgje av Skatteetatens omlegging valt å publisere statistikken Skatt for selskap i ny drakt. Ein konsekvens av dette er at tabellane ikkje kan samanliknast med tabellane som ligg som avslutta seriar i Statistikkbanken, mellom anna fordi populasjonen er endra.

Frå og med inntektsåret 2024 blir landbasert vindkraftselskap skattlagde for grunnrenteskatt etter skattelova §§ 18-10 til 18-11.

I statistikken blir vasskraftselskap og landbasert vindkraftselskap presenterte i éin og same tabell frå og med inntektsåret 2024.

Det kan oppstå feil ved utfyllinga av skattemeldinga frå selskapet si side. I tillegg kan det oppstå feil både hjå Skatteetaten og Statistisk sentralbyrå ved registrering og vidare arbeid av materialet. Beløp som ikkje ligg til grunn for utlikning av skatt, mellom anna negative inntekter (underskot), er knytt til større uvisse enn grunnlaga for utlikning av skatt. I hovudsak blir kontrollarbeidet konsentrert om eventuelle feil som har store utslag for storleiken på totaltala, noko som kan medføra at opplysningar om enkeltselskap kan innehalde feil som har mindre å seie for totalen.

Registeret til Skatteetaten blir fortløpande oppdatert. På grunn av klage- og endringssaker hos Skatteetaten etter ordinær likning kan det oppstå endringar etter at Statistisk sentralbyrå har henta inn opplysningar frå skatteoppgjeret for upersonlege via API. Det er ikkje teke omsyn til slike endringar når statistikken blir publisert.

Ved påkopling av opplysningar frå Statistisk sentralbyrås Bedrifts- og føretaksregister (BoF), a-ordninga eller skattemelding upersonleg blir organisasjonsnummer brukt som koplingsnøkkel. Dersom selskapa er registrerte med feil organisasjonsnummer, vil feil opplysningar bli kopla på.

Ikkje relevant

Statistisk sentralbyrå gjennomfører kvalitetsgjennomgangar av utvalde statistikkar. Det vurderast i kva grad statistikkane oppfyller krava til kvalitet satt i Statistikklova og i Retningslinjer for europeisk statistikk, og produserast i samsvar med desse. Kvalitetsgjennomgangane utførast av eit tverrfagleg internt team som saman med ansvarleg seksjon går gjennom statistikkane.

Skatt for selskap gjennomgjekk denne kvalitetsgjennomgang i regi av Statistisk sentralbyrå sitt Kvalitetsteam i 2024. Gjennomgangen fann at statistikken oppfyller kvalitetskrava gitt i Retningslinjer for europeisk statistikk og i Statistikklova, men poengterte også rom for betring på enkelte områder. Under gjennomgangen vart det identifisert forbetringstiltak som no er gjennomført på bakgrunn av anbefalingane i rapporten.