Indeksnivået for industriproduksjonen i perioden februar – april 2025 var på 106,3 (2021=100) mot 103,8 føregåande tremånadarsperiode. Trenden i aktivitetsnivået i industrien viser no ein aukande utvikling sidan starten på 2024, sjølv om det held fram med å vere ein del variasjon frå månad til månad (sjå figur 1).

Månadsendring: bred oppgang i industrien

For å lette tolkinga av den kortsiktige utviklinga publiserer produksjonsindeksen tremånadars glidande gjennomsnitt av sesongjusterte tal. Vanlegvis samanliknast dei siste ikkje-overlappande tremånadarsperiodane. Sesongjusterte endringar frå månad til månad må tolkast med varsemd. viser at aktiviteten i industrien hadde ein klår vekst på 2,8 prosent frå mars til april 2025. Mange næringar viste auke i denne perioden, men det var særleg bygging av skip og oljeplattformer som bidrog til den samla auken i industrien med ein auke på heile 8,7 prosent.

– Fleire verksemder innanfor næringa melde om høg aktivitet grunna store prosjekt og gode marknadsforhold i perioden. Dette kan sjåast i samanheng med høgare anslag for oljeinvesteringene i 2025 , seier rådgjevar Ellie Sarah Heidari i Statistisk sentralbyrå.

Det var òg auke i næringsmiddelindustri og oljeraffinering, kjemisk og farmasøytisk industri på høvesvis 2,2 og 3,4 prosent i denne perioden. Auken i næringsmiddelindustri kan knytast til høgare aktivitet innan foredling og konservering av fisk.

På den motsette sida gjekk kjemiske råvarer og trelast- og trevareindustri ned og bidrog såleis til å dempe auken i industriproduksjonen noko i denne perioden.

Figur 1. Produksjonsutvikling i industrien. Sesongjusterte tal. Tremåneders glidande gjennomsnitt¹. 2021=100

¹ Mars 2020 til mars 2022 er behandlet som ekstremverdier i sesongjusteringen. Trenden har difor blitt tatt ut fra figuren for desse månadene.
Kjelde: Produksjonsindeks for olje og gass, industri, bergverk og kraftforsyning, Statistisk sentralbyrå

Figur 2. Indikator for leverandørindustri. Sesongjusterte tal. Tremånaders glidande gjennomsnitt.¹ 2021=100

¹ Indeksverdi for periode m er gjennomsnitt av periode m, m-1 og m-2.
Kjelde: Produksjonsindeks for olje og gass, industri, bergverk og kraftforsyning, Statistisk sentralbyrå

Tremånadarsendring: auke i industriproduksjonen

Sesongjusterte tal viser at industriproduksjonen hadde ein auke på 2,4 prosent i perioden februar – april 2025 samanlikna med føregåande tremånadarsperiode. Det var oljeraffinering, kjemisk og farmasøytisk industri som bidrog mest til den samla oppgangen med ein auke på heile 10,1 prosent. Aktiviteten i denne delen av industrien har auka mykje sidan starten på 2025 etter fleire periodar i 2024 med driftsstans hos nokre sentrale aktørar. Det var òg vekst i dataindustri og elektrisk utstyrsindustri på 3,1 prosent i denne perioden.

På den anna side hadde næringsgruppa maskinreparasjon og -installasjon og papir- og papirvareindustri nedgang og bidrog såleis til å dempe den samla produksjonsauken i industrien i denne tremånadarsperioden.

Den sterke oppgangen frå mars til april skuldast at aktiviteten i april har vore høgare enn det som normalt er for ein påskemånad.

– Sesongjusteringa tar høgde for påskens plassering, men det er viktig å være klar over at ein har nokre forutsetningar i forhold til fridagar i modellen, og at dei sesongjusterte tala i mars og april er meir usikre på grunn av påskens plassering frå år til år, seier rådgjevar Ellie Sarah Heidari i Statistisk sentralbyrå.

Samla sett hadde Petroleumsretta leverandørindustri: Analytisk gruppering som dekker dei næringane i industrien som leverer størsteparten av sine varer og tenester til olje- og gassindustrien. ein produksjonsauke på 2,5 prosent i perioden februar – april  2025 samanlikna med føregåande tremånadarsperiode (sjå figur 2). Industri unntatt leverandørindustrien hadde i same periode ein vekst på 2,0 prosent.

Månadsendring: auke i industriproduksjon i Eurosona i februar

Estimerte tal frå Eurostat (ec.europa.eu), statistikkontoret i EU, viser at den samla industriproduksjonen i land i Eurosona: Omfattar dei 20 EU-landa som har valt euro som valuta. hadde ein auke på heile 2,5 prosent frå februar til mars 2025. I same periode var industriproduksjonen i Noreg uendra (sjå figur 3).

Sverige hadde ein nedgang på 1,1 prosent i same periode, medan produksjonen i Danmark såg ein nedgang på heile 3,2 prosent.

Figur 3. Produksjonsindeks for industri for eurosona og Noreg (2021=100), sesongjusterte tal

Kjelde: Produksjonsindeks for olje og gass, industri, bergverk og kraftforsyning, Statistisk sentralbyrå og Eurostat

Tremånadarsendring: auke i samla produksjonsindeks

Produksjonsindeksen for olje- og gassutvinning, industri, bergverksdrift og kraftforsyning samla (PII) ) hadde ein oppgang på 0,6 prosent i perioden februar – april  2025 samanlikna med føregåande tremånadarsperiode, viser sesongjusterte tal. Utvinning av råolje hadde ein auke på 1,0 prosent, og utvinning av naturgass auka med 1,9 prosent. For fleire detaljar om olje- og gassproduksjonen i denne perioden, sjå pressemelding frå Sokkeldirektoratet (sodir.no)

Utvinningstenester på si side hadde ein auke på heile 3,2 prosent i perioden februar – april 2025 samanlikna med føregåande tremånadarsperiode. Bergverksdrift hadde eit fall på 2,4 prosent, medan produksjonen i norsk kraftforsyning var undera frå mars 2025 (sjå figur 4).

Figur 4. Produksjonsutvikling. Sesongjusterte tal. Tremånaders glidande gjennomsnitt¹. 2021=100

¹ Indeksverdi for periode m er gjennomsnitt av periode m, m-1 og m-2.
Kjelde: Produksjonsindeks for olje og gass, industri, bergverk og kraftforsyning, Statistisk sentralbyrå

Det er viktig å vere klar over at det er større uvisse enn normalt i dei kalenderjusterte og sesongjusterte indeksane for mars og april grunna ulik plassering av påska frå år til år. Dette verkar òg inn på dei sesongjusterte tala for 1. og 2. kvartal. Rutinen for sesongjustering tek omsyn til påska si plassering, men det kan vere vanskeleg å korrigere for alle effektane av denne høgtida.