Du treng eit rekneark for å gjere denne oppgåva, der du skal rekne ut standardavviket
I oppgåva skal du bruke dataa frå både kolonnane I. og II.
Vi har 44 lønnsmottakarar, og kolonne B seier kor mange som tener kvart lønnsbeløp (frekvensen):
I. Månadslønn i kr | II. Frekvens |
17 150 | 2 |
17 650 | 2 |
17 840 | 3 |
17 880 | 5 |
18 390 | 5 |
18 530 | 6 |
18 560 | 7 |
18 580 | 5 |
18 840 | 4 |
18 840 | 3 |
19 180 | 1 |
22 160 | 1 |
Sum | 44 |
Gjennomsnittleg månadslønn er avrunda lik 18 448 kroner.
Rekn ut standardavviket mellom lønna i dei ulike månadene i 2024 ved å bruke framgangsmåten som vi beskreiv i del 2. Treng du ein repetisjon? Den finn du i boksen «Framgangsmåte».
Standardavviket reknar vi ut ved først å rekne ut avstanden frå kvar observasjonsverdi til gjennomsnittet (kvar verdi av månadslønn minus gjennomsnittleg månadslønn). Så multipliserer vi dette talet med seg sjølv, det vil seie talet opphøgd i andre potens. Til slutt multipliserer vi med frekvensen (kvar månadslønn minus gjennomsnittleg månadslønn multiplisert med frekvensen for månadslønn). Etterpå summerer vi desse tala, og så delar vi på summen av frekvensane. Talet vi no får, variansen, tek vi kvadratrota av, og så har vi standardavviket.
Sjekk i reknearket om du rekna riktig. I Excel finn vi standardavviket ved å bruke funksjonen STDAVP.
Fasit
Du kan sjå i denne tabellen korleis vi har rekna ut standardavviket:
I tabellen er kolonnane IV., V. og VI. hjelpekolonnar der vi har rekna ut dei ulike delane i kolonne III. Rekna ut i reknearket Excel blir svaret for dette datamaterialet det same: 722,81kroner. I Excel finn vi standardavviket ved å bruke funksjonen STDAVP.
