Indeksnivået for industriproduksjonen i perioden juni-august 2026 var på 107,4 (2021=100) mot 107,8 i føregåande tremånadarsperiode. Trenden i aktivitetsnivået i industrien viser ein aukande utvikling sidan årsskiftet, men har flata noko ut dei siste månadene (sjå figur 1).
Månadsendring: fall i bygging av skip og oljeplattformer
For å lette tolkinga av den kortsiktige utviklinga publiserer produksjonsindeksen tremånadars glidande gjennomsnitt av sesongjusterte tal. Vanlegvis samanliknast dei siste ikkje-overlappande tremånadarsperiodane. Sesongjusterte endringar frå månad til månad må tolkast med varsemd. viser at industriproduksjonen hadde ein nedgang på 0,4 prosent frå juli til august 2026. Utviklinga i dei underliggjande næringane viser eit blanda bilete. Bygging av skip og oljeplattformer bidrog mest til nedgangen i samla industriproduksjon, med eit fall på 9,0 prosent. Denne nedgangen kjem etter høg aktivitet i juli. Næringsmiddelindustri bidrog òg ned, med ein nedgang på 1,0 prosent.
På motsett side bidrog trelast- og trevareindustri, samt metallvareindustri til å dempe nedgangen i samla industriproduksjon, med ein auke på høvesvis 13 og 3,5 prosent.
Tremånadarsendring: blanda utvikling blant industrinæringane
For å lette tolkinga av den kortsiktige utviklinga publiserer produksjonsindeksen tremånadars glidande gjennomsnitt av sesongjusterte tal. Vanlegvis samanliknast dei siste ikkje-overlappande tremånadarsperiodane. Sesongjusterte endringar frå månad til månad må tolkast med varsemd. viser at industriproduksjonen hadde eit fall på 0,4 prosent i perioden juni – august 2026 samanlikna med føregåande tremånadarsperiode.
Det var maskinreparasjon og -installasjon som bidrog mest til den samla nedgangen med eit fall på 2,5 prosent. På den andre sida hadde bygging av skip og oljeplattformer ei auke på 3,7 prosent, og bidrog såleis til å dempe det samla produksjonsfallet i industrien i tremånadarsperioden.
Samla sett hadde den Analytisk gruppering som dekker dei næringane i industrien som leverer størsteparten av sine varer og tenester til olje- og gassindustrien. ein produksjonsauke på 0,2 prosent i perioden juni - august 2026 samanlikna med føregåande tremånadarsperiode (sjå figur 2). Industri unntatt leverandørindustrien hadde i same periode ein nedgang på 0,2 prosent.
Månadsendring: svak nedgang i industriproduksjon i Eurosona i juli
Estimerte tal frå Eurostat (ec.europa.eu), statistikkontoret i EU, viser at den samla industriproduksjonen i land i Eurosona: Omfattar dei 21 EU-landa som har valt euro som valuta. hadde ein nedgang på 0,3 prosent frå juni til juli 2026. I same periode var industriproduksjonen i Noreg opp med 0,7 prosent (sjå figur 3).
Sverige såg ein nedgang på 3,3 prosent i same periode, medan produksjonen i Danmark hadde eit fall på 4,8 prosent.
Tremånadarsendring: vekst i samla produksjonsindeks
Produksjonsindeksen for olje- og gassutvinning, industri, bergverksdrift og kraftforsyning samla (PII) hadde ein auke på 2,3 prosent i perioden juni - august 2026 samanlikna med føregåande tremånadarsperiode, viser sesongjusterte tal. Utvinning av råolje hadde ein nedgang på 0,8 prosent, medan utvinning av naturgass gjekk opp med 3,9 prosent. For fleire detaljar om olje- og gassproduksjonen i denne perioden, sjå pressemelding frå Sokkeldirektoratet (sodir.no).
Utvinningstenester hadde ein auke på 0,3 prosent i perioden juni – august 2026 samanlikna med føregåande tremånadarsperiode. Bergverksdrift hadde ein nedgang på 2,1 prosent, medan produksjonen i norsk kraftforsyning gjekk opp med 6,8 prosent (sjå figur 4).
