Indeksnivået for industriproduksjonen i 3. kvartal 2025 var på 106,6 (2021=100) mot 107,0 i førre kvartal. Etter ein periode der trenden i industriproduksjonen har vore aukande frå midten av 2024, ser vi no ein utflating (sjå figur 1).
Månadsendring: nedgang i oljeraffinering, kjemisk og farmasøytisk industri
For å lette tolkinga av den kortsiktige utviklinga publiserer produksjonsindeksen tremånadars glidande gjennomsnitt av sesongjusterte tal. Vanlegvis samanliknast dei siste ikkje-overlappande tremånadarsperiodane. Sesongjusterte endringar frå månad til månad må tolkast med varsemd. viser at industriproduksjonen hadde ein nedgang på 1,7 prosent frå august til september 2025. Det var næringsgruppa oljeraffinering, kjemisk og farmasøytisk industri som bidrog mest til den samla nedgangen i industriproduksjonen med eit fall på heile 9,7 prosent. Nokre sentrale aktørar i næringa opplyste om driftsstans, noko som medverka til nedgangen. Også næringsmiddelindustri og metallvareindustri såg ein nedgang med høvesvis 1,5 og 2,5 prosent i denne perioden.
På den motsette sida hadde næringsgruppa dataindustri og elektrisk utstyrsindustri ein oppgang på 1,9 prosent og bidrog såleis til å dempe fallet i industriproduksjonen.
Tremånadarsendring: lågare industriproduksjon i 3. kvartal
Sesongjusterte tal viser at industriproduksjonen hadde ein nedgang på 0,4 prosent i 3. kvartal 2025 samanlikna med førre kvartal. Det var næringsgruppa oljeraffinering, kjemisk og farmasøytisk industri som bidrog mest til den samla nedgangen med eit fall på 2,9 prosent. Det var òg fall i næringsmiddelindustri og papir- og papirvareindustri i denne perioden.
Samla sett hadde Petroleumsretta leverandørindustri: Analytisk gruppering som dekker dei næringane i industrien som leverer størsteparten av sine varer og tenester til olje- og gassindustrien. ein produksjonsauke på 0,9 prosent i 3. kvartal 2025 samanlikna med førre kvartal (sjå figur 2). Industri unntatt leverandørindustrien har i same periode hatt ein nedgang på 0,9 prosent.
Månadsendring: nedgang i industriproduksjon i Eurosona i august
Estimerte tal frå Eurostat (ec.europa.eu), statistikkontoret i EU, viser at den samla industriproduksjonen i land i Eurosona: Omfattar dei 20 EU-landa som har valt euro som valuta. hadde ein nedgang på 1,2 prosent frå juli til august 2025. I same periode auka industriproduksjonen i Noreg med 0,7 prosent (sjå figur 3).
Sverige hadde ein auke på heile 5,0 prosent i same periode, medan produksjonen i Danmark såg eit fall på 2,9 prosent.
Tremånadarsendring: auke i samla produksjonsindeks
Produksjonsindeksen for olje- og gassutvinning, industri, bergverksdrift og kraftforsyning samla (PII) hadde ein auke på 2,6 prosent i 3. kvartal 2025 samanlikna med 2. kvartal 2025, viser sesongjusterte tal. Utvinning av råolje hadde ein auke på heile 6,7 prosent, medan utvinning av naturgass auka med heile 2,6 prosent. For fleire detaljar om olje- og gassproduksjonen i denne perioden, sjå pressemelding frå Sokkeldirektoratet (sodir.no)
Utvinningstenester på si side hadde eit fall på 1,3 prosent i 3. kvartal 2025 samanlikna med førre kvartal. Bergverksdrift hadde ein nedgang på 4,0 prosent, medan produksjonen i norsk kraftforsyning var uendra samanlikna med førre kvartal (sjå figur 4).
