Indeksnivået for industriproduksjonen i perioden februar – april 2026 var på 106,9 (2021=100) mot 106,5 føregåande tremånadarsperiode. Sjølv om det var ein liten nedgang sist månad, viser trenden i aktivitetsnivået i industrien framleis ei aukande utvikling (sjå figur 1).

Månadsendring: bransjevise skilnader i april

Sesongjusterte tal viser at aktiviteten i industrien hadde ein nedgang på 0,9 prosent frå mars til april 2026. Det var metallvareindustri og maskinreparasjon og -installasjon som bidrog mest til den samla nedgangen i industriproduksjonen med eit fall på høvesvis 2,3 og 2,5 prosent. Det var òg eit fall i maskinindustri i denne perioden.

På den motsette sida hadde næringsgruppa oljeraffinering, kjemisk og farmasøytisk industri og metallindustri ein auke på høvesvis 4,5 og 5,5 prosent og bidrog såleis til å dempe den samla nedgangen i industriproduksjonen.

Tremånadarsendring: auke i oljeraffinering, kjemisk og farmasøytisk industri

For å lette tolkinga av den kortsiktige utviklinga publiserer produksjonsindeksen tremånadars glidande gjennomsnitt av sesongjusterte tal. Vanlegvis samanliknast dei siste ikkje-overlappande tremånadarsperiodane. Sesongjusterte endringar frå månad til månad må tolkast med varsemd. viser at industriproduksjonen hadde ein liten auke på 0,4 prosent i perioden februar – april 2026 samanlikna med føregåande tremånadarsperiode. Det var oljeraffinering, kjemisk og farmasøytisk industri som bidrog mest til den samla oppgangen med ein auke på 2,3 prosent. Aktiviteten i denne delen av industrien har auka i siste perioden etter ein periode med driftsstans hos nokre sentrale aktørar. Det var òg vekst i maskinreparasjon og -installasjon med 2,3 prosent i denne perioden.

På den anna side hadde gummi, plast og mineralsk industri ein nedgang og bidrog såleis til å dempe den samla produksjonsauken i industrien i denne tremånadarsperioden.

Samla sett hadde Petroleumsretta leverandørindustri: Analytisk gruppering som dekker dei næringane i industrien som leverer størsteparten av sine varer og tenester til olje- og gassindustrien. ein produksjonsauke på 1,1 prosent i perioden februar – april 2026 samanlikna med føregåande tremånadarsperiode (sjå figur 2). Industri unntatt leverandørindustrien hadde i same periode ein marginal nedgang på 0,1 prosent.

Figur 1. Produksjonsutvikling i industrien. Sesongjusterte tal og trend¹. 2021=100
¹ Mars 2020 til mars 2022 er behandlet som ekstremverdier i sesongjusteringen. Trenden har difor blitt tatt ut fra figuren for desse månadene.
Kjelde: Produksjonsindeks for olje og gass, industri, bergverk og kraftforsyning, Statistisk sentralbyrå

Figur 2. Indikator for leverandørindustri. Sesongjusterte tal. Tremånaders glidande gjennomsnitt.¹ 2021=100
¹ Indeksverdi for periode m er gjennomsnitt av periode m, m-1 og m-2.
Kjelde: Produksjonsindeks for olje og gass, industri, bergverk og kraftforsyning, Statistisk sentralbyrå

Månadsendring: auke i industriproduksjon i Eurosona i mars

Estimerte tal frå Eurostat (ec.europa.eu), statistikkontoret i EU, viser at den samla industriproduksjonen i land i Eurosona: Omfattar dei 20 EU-landa som har valt euro som valuta. hadde ein auke på 0,4 prosent frå februar til mars 2026. I same periode auka industriproduksjonen i Noreg med 2,0 prosent (sjå figur 3).

Sverige hadde ein nedgang på 1,3 prosent i same periode, medan produksjonen i Danmark såg ein auke på heile 8,0 prosent.

Figur 3. Produksjonsindeks for industri for eurosona og Noreg (2021=100), sesongjusterte tal
Kjelde: Produksjonsindeks for olje og gass, industri, bergverk og kraftforsyning, Statistisk sentralbyrå og Eurostat

Tremånadarsendring: liten nedgang i samla produksjonsindeks

Produksjonsindeksen for olje- og gassutvinning, industri, bergverksdrift og kraftforsyning samla (PII) hadde ein nedgang på 0,4 prosent i perioden februar – april  2026 samanlikna med føregåande tremånadarsperiode, viser sesongjusterte tal. Utvinning av råolje hadde ein auke på 2,4 prosent, og utvinning av naturgass gjekk ned med 0,7 prosent. For fleire detaljar om olje- og gassproduksjonen i denne perioden, sjå pressemelding frå Sokkeldirektoratet (sodir.no).

Utvinningstenester på si side hadde ein auke på heile 3,8 prosent i perioden februar – april 2026 samanlikna med føregåande tremånadarsperiode. Bergverksdrift hadde ein vekst på 15,2 prosent, medan produksjonen i norsk kraftforsyning fall med 14 prosent frå mars 2026 (sjå figur 4).

Figur 4. Produksjonsutvikling. Sesongjusterte tal. Tremånaders glidande gjennomsnitt¹. 2021=100
¹ Indeksverdi for periode m er gjennomsnitt av periode m, m-1 og m-2.
Kjelde: Produksjonsindeks for olje og gass, industri, bergverk og kraftforsyning, Statistisk sentralbyrå

Det er viktig å vere klar over at det er større uvisse enn normalt i dei kalenderjusterte og sesongjusterte indeksane for mars og april grunna ulik plassering av påska frå år til år. Dette verkar òg inn på dei sesongjusterte tala for 1. og 2. kvartal. Rutinen for sesongjustering tek omsyn til påska si plassering, men det kan vere vanskeleg å korrigere for alle effektane av denne høgtida.