Indeksnivået for industriproduksjonen i perioden mai-juli 2026 var på 107,6 (2021=100) mot 107,0 i føregåande tremånadarsperiode. Trenden i aktivitetsnivået i industrien viser no ein aukande utvikling sidan årsskiftet, men har flata noko ut dei siste månadene (sjå figur 1).
Månadsendring: auke for bygging av skip og oljeplattformer
For å lette tolkinga av den kortsiktige utviklinga publiserer produksjonsindeksen tremånadars glidande gjennomsnitt av sesongjusterte tal. Vanlegvis samanliknast dei siste ikkje-overlappande tremånadarsperiodane. Sesongjusterte endringar frå månad til månad må tolkast med varsemd. viser at industriproduksjonen hadde ein auke på 0,7 prosent frå juni til juli 2026. Fleire næringar hadde vekst i denne perioden, men det var særleg maskinindustri og bygging av skip og oljeplattformer som bidrog mest til den samla auken i industrien, med auke på høvesvis 5,4 og 8,4 prosent.
På den motsette sida hadde trelast- og trevareindustri samt annan verkstadindustri ein nedgang på høvesvis 8,1 og 14,8 prosent og bidrog såleis til å dempe auken i industriproduksjonen.
Tremånadarsendring: brei auke blant næringane i industrien
For å lette tolkinga av den kortsiktige utviklinga publiserer produksjonsindeksen tremånadars glidande gjennomsnitt av sesongjusterte tal. Vanlegvis samanliknast dei siste ikkje-overlappande tremånadarsperiodane. Sesongjusterte endringar frå månad til månad må tolkast med varsemd. viser at industriproduksjonen hadde ein auke på 0,6 prosent i perioden mai – juli 2026 samanlikna med føregåande tremånadarsperiode. Det var oljeraffinering, kjemisk og farmasøytisk industri som bidrog mest til den samla oppgangen med ein auke på 3,0 prosent. Det var òg vekst i næringsmiddelindustri i denne perioden, med ein auke på 1,3 prosent.
På den anna side hadde annan verkstadindustri ein nedgang på 8,1 prosent og bidrog såleis til å dempe den samla produksjonsauken i industrien i denne tremånadarsperioden.
Samla sett hadde den Analytisk gruppering som dekker dei næringane i industrien som leverer størsteparten av sine varer og tenester til olje- og gassindustrien. ein produksjonsauke på 0,8 prosent i perioden mai - juli 2026 samanlikna med føregåande tremånadarsperiode (sjå figur 2). Industri unntatt leverandørindustrien hadde i same periode ein vekst på 0,7 prosent.
Månadsendring: om lag uendra i industriproduksjon i Eurosona i juni
Estimerte tal frå Eurostat (ec.europa.eu), statistikkontoret i EU, viser at den samla industriproduksjonen i land i Eurosona: Omfattar dei 21 EU-landa som har valt euro som valuta. hadde ein liten nedgang på 0,1 prosent frå mai til juni 2026. I same periode var industriproduksjonen i Noreg ned med 1,0 prosent (sjå figur 3).
Sverige såg ein nedgang på 0,3 prosent i same periode, medan produksjonen i Danmark hadde ein auke på 5,7 prosent.
Tremånadarsendring: vekst i samla produksjonsindeks
Produksjonsindeksen for olje- og gassutvinning, industri, bergverksdrift og kraftforsyning samla (PII) hadde ein auke på 1,5 prosent i perioden mai - juli 2026 samanlikna med føregåande tremånadarsperiode, viser sesongjusterte tal. Utvinning av råolje hadde ein nedgang på 5,4 prosent, medan utvinning av naturgass gjekk opp med 4,6 prosent. For fleire detaljar om olje- og gassproduksjonen i denne perioden, sjå pressemelding frå Sokkeldirektoratet (sodir.no).
Utvinningstenester på si side hadde ein nedgang på 1,7 prosent i perioden mai – juli 2026 samanlikna med føregåande tremånadarsperiode. Bergverksdrift hadde ein nedgang på 5,7 prosent, medan produksjonen i norsk kraftforsyning var opp med heile 10,7 prosent (sjå figur 4).
