For denne oppgåva er det ingen fasit for vi har jo ulike namn.
Gjer oppgåva åleine eller i små grupper, og ta ein gjennomgang i heil klasse midt i og/eller etterpå. Diskuter då det som de synest var vanskeleg å få til i statistikkbanken.
I. Slik vel du og lagar en tabell
Gå inn på statistikkbanktabell 10467 Fødte, etter jentenavn og guttenavn 1880-2024.
No kan du velje ulike variablar. Under «Statistikkvariabel» vel du Fødte. Under «År» vel du åra 2000 til og med det siste året du finn tal for. Under «Fornavn» vel du anten «Guttenavn» eller «Jentenavn, og søkar opp og vel namnet ditt. Kor mange fekk det same namnet som deg i åra 2000 til og med det siste året du finn tal for?
Før du løyser resten av oppgåva, les du om kva du kan gjere med den ferdige tabellen i statistikkbanken. Les fram til avsnittet «Pivot-vennlig format».
No løyser du resten av oppgåva (spørsmåla II. til V. under.
II. Lag ein figur
Kan du endre tabellen slik at du får ein figur som viser utviklinga gjennom åra 2000 til og med det siste året du finn tal for? Forklar korleis du gjorde det.
III. Har namnet ditt blitt meir eller mindre populært?
IV. Flytt tabellen til Excel
Eksporter tala til Excel. Korleis gjorde du dette? Lagre fila di.
V. Rekn ut gjennomsnittet
- Dersom du har teke ut tabell for eit jentenamn: Rekn ut kor mange jenter som fekk dette namnet i gjennomsnitt i løpet av dei åra du har teke ut tal for.
- Dersom du har teke ut tabell for eit gutenamn: Rekn ut kor mange gutar som fekk dette namnet i gjennomsnitt i løpet av dei åra du har teke ut tal for.
Gå gjennom spørsmåla I. til og med V. i heil klasse. Oppklar det de synest var vanskeleg å få til i statistikkbanken.
