Fakta og tal om demografi og innvandring

I dette undervisningsopplegget blir elevane introduserte til fakta og tal om demografi, med vekt på innvandring. Elevane kan lære sentrale ord og omgrep om demografi og innvandring i Noreg og fakta om temaa gjennom å løyse oppgåvene. De kan velje å bruke berre delar av opplegget.

Vi har laga ein ordbank som elevane kan laste ned og bruke i oppgåveløysinga.

Kontakt oss gjerne på skole@ssb.no dersom de har spørsmål eller kommentarar til opplegget.

• Kunne utforske og beskrive fakta om demografi og innvandring i Noreg
• Kunne lese ein tekst om temaet
• Lære sentrale ord og uttrykk på norsk om temaet

Opplegget tek utgangspunkt i læreplanane Grunnleggende norsk, læreplan NOR 07-02 (udir.no) (nivå 3) og Samfunnskunnskap fellesfag vg1/vg2, læreplan SAK 01-01 (udir.no) og desse kompetansemåla:

• gje att hovudinnhaldet i muntlege tekstar (NOR 07-02, nivå 3)
• bruke eit fagleg ordforråd (NOR 07-02, nivå 3)
• lese grafiske framstillingar (NOR 07-02, nivå 3)
• utforske og presentere dagsaktuelle tema eller debatter ved å bruke samfunnsfaglege metodar, kjelder og digitale ressursar, og argumentere for sine eigne og andre sine meiningar og verdiar (SAK01-01)

Vi har delt opplegget inn i ei innleiing, tre korte temadelar med oppgåver, oppsummerande spørsmål og ein del for sluttrefleksjonar.

Meld deg på nyheitsbrev og få tips om relevant innhald på ssb.no.