Finansrekneskapen for 2025 viser at nettofordringane til offentleg forvalting held fram trenden med å auke. Hovudbiletet var prega av fallande, men framleis høge, nettofinansinvesteringar og nettogevinstar. Ved utgangen av 2025 var offentleg forvalting sine nettofordringar nesten 24 000 milliardar kroner, om lag 1 300 milliardar kroner meir enn i fjoråret. I figur 1 er offentleg forvalting sine finansielle nettofordringar, og fordringane som prosentdel av BNP for Fastlands-Noreg illustrerte. Figuren viser at nettofordringane er meir enn 5 gonger BNP-andelen i 2025. BNP-andelen flata ut i 2025.
Nettofinansinvesteringane fell, men er fortsett på eit høgt nivå
Offentleg forvalting sine Nettogevinstar er gevinstar og tap i valuta- og verdipapirmarknaden. Gevinstar på investeringane og verditap på gjelda gjer nettogevinstar, medan verditap på investeringane og gevinstar på gjelda gjer nettotap. og Nettofinansinvesteringar er finansielle investeringar minus gjeldsopptak. som prosentdel av BNP for Fastlands-Noreg er illustrerte i figur 2. Investeringane held fram med å falle frå det rekordhøge nivået i 2022. Nettofinansinvesteringane i 2025 er rekna til å vere 565 milliardar kroner, mot 687 milliardar kroner i 2024. Statsforvaltinga sine høge inntekter frå petroleumsutvinninga på norsk sokkel er hovudårsaka til dei høge investeringane, som i hovudsak blir plasserte i utlandet gjennom Statens pensjonsfond utland.
Offentleg finansiell formue på 4,2 millionar kroner per innbyggjar
Figur 3. viser utviklinga til offentleg forvalting sine nettofordringar per innbyggjar i løpande priser. Ved utgangen av 2025 er nettofordringane rekna til å vere 23 585 milliardar kroner. Det tilsvarar 4,2 millionar kroner per innbyggjar, noko som er 202 000 meir enn i 2024. Ved utgangen av 1996 var nettofordringane 107 000 kroner per innbyggjar, eller 217 000 kroner uttrykt i 2025-verdiar, utrekna ved bruk av konsumprisindeksen.
