Innhald
Publisert:
Du er inne i ei arkivert publisering.
Nedgang i lastebilkostnadene
Totalkostnadsindeksen for lastebiltransport gjekk ned 0,5 prosent frå september til oktober 2012. Årsaka er lågare kapitalkostnader, lågare dekkostnader og nedgang i prisen på diesel. Dei siste tolv månadene har dei totale kostnadene likevel auka med 1,7 prosent.
Kapitalkostnadsindeksen gjekk ned 1,7 prosent den siste månaden. Frå oktober 2011 til oktober 2012 gjekk kapitalindeksen ned 2,7 prosent.
Lågare dekkprisar
Dekkindeksen gjekk ned 1,3 prosent den siste månaden etter prisjusteringar hos nokre leverandørar. Dei siste tolv månadene har dekkindeksen gått ned 2,4 prosent.
Nedgang i dieselprisen
Prisutviklinga på diesel førte til at drivstoffindeksen gjekk ned 1 prosent frå september til oktober i år. Drivstoffindeksen har stige med 1,5 prosent dei siste tolv månadene.
Høgare ferje- og bomkostnader
Ferje- og bomkostnadene gjekk opp 0,4 prosent den siste månaden. Dei siste tolv månadene har dei totale kostnadene stige med 3,5 prosent.
Auka reparasjons- og servicekostnader
Delindeksen for reparasjons- og servicekostnader auka med 0,2 prosent den siste månaden. Frå oktober 2011 til oktober 2012 har delindeksen auka med 3,8 prosent.
Høgare administrasjonskostnader
Administrasjonskostnadene gjekk opp 0,2 prosent frå september til oktober 2012. Dei siste tolv månadene har dei totale kostnadene stige med 2,4 prosent.
Om drivstoffindeksenDrivstoffindeksen byggjer på faktiske pumpeprisar som kvar månad blir henta frå forhandlarar over heile landet. Sjølv om det kan vere avvik i enkelte månader, viser samanlikningar at utviklinga i pumpeprisane over tid er svært lik utviklinga i prisane på dieselavtalene til dei store drivstoffleverandørane. Om kapitalkostnadsindeksenDenne delindeksen er samansett av avskrivingar, rentekostnader og vektårsavgifter/årsavgift. |
Tabeller:
Kontakt
-
Gudveig Ihlang
E-post: gudveig.ihlang.braten@ssb.no
tlf.: 40 81 13 85
-
Geir Martin Pilskog
E-post: geir.martin.pilskog@ssb.no
tlf.: 40 81 13 83