Innhald
Publisert:
Du er inne i ei arkivert publisering.
Auka dieselprisar
Totalkostnadsindeksen for lastebiltransport auka med 0,5 prosent frå januar til februar, noko som i hovudsak skuldas auka prisar på diesel. Dei siste tolv månadene har totalkostnadene stige 4,0 prosent.
Prisutviklinga på råolje førte til at drivstoffindeksen gjekk opp med 2,9 prosent den siste månaden. Det var inga endring i denne delindeksen frå februar 2006 til februar 2007.
Drivstoffindeksen er basert på faktiske pumpeprisar innhenta frå forhandlarar over heile landet den 15. i kvar månad.
Auke i lønn og sosiale kostnader
Lønnsindeksen auka med 0,1 prosent frå januar til februar. I løpet av det siste året har lønnsveksten for tilsette innanfor lastebiltransport stige med 4,2 prosent.
Auka administrasjonskostnader
Administrasjonskostnadene har stige med 0,1 prosent den siste månaden. Dei siste tolv månadene har denne delindeksen stige med 1,8 prosent.
Svak nedgang i kapitalkostnadene
Kapitalkostnadsindeksen gjekk ned 0,1 prosent frå januar til februar. I løpet av det siste året har denne delindeksen, som er samansett av avskrivingar, rentekostnader og vektårsavgift/årsavgift, stige 9,5 prosent.
Dei andre delkostnadsindeksane viser inga endring den siste månaden.
|
Statistisk sentralbyrå (SSB) produserer no to indeksar for godstransport på veg. Indeksane i denne meldinga målar utviklinga i dei viktigaste kostnadskomponentane for ti ulike kjøretøygrupper. Den nye kvartalsvise produsentprisindeksen til SSB målar utviklinga i fakturert pris på transporttenester eksklusiv meirverdiavgift. For fleire detaljar, sjå: Godstransport på veg |
Tabeller:
Kontakt
-
Gudveig Ihlang
E-post: gudveig.ihlang.braten@ssb.no
tlf.: 40 81 13 85
-
Geir Martin Pilskog
E-post: geir.martin.pilskog@ssb.no
tlf.: 40 81 13 83