Innhald
Publisert:
Du er inne i ei arkivert publisering.
Auka lastebilkostnader
Totalkostnadsindeksen for lastebiltransport auka med 0,5 prosent frå november til desember, noko som i hovudsak skyldes auka kapitalkostnader. Prisutviklinga på forsikringspremiar trekk i motsett retning.
Totalkostnadsindeksen for lastebiltransport har auka med 4,2 prosent i løpet av dei siste 12 månadene.
Auka kapitalkostnader
Kapitalkostnadsindeksen har stige med 3,5 prosent frå november til desember. Det siste året har denne indeksen, som er samansett av avskrivingar, rentekostnader og vektårsavgifter/årsavgift, stige 8,3 prosent.
Rentekostnaden er basert på konsumprisindeksen og tremånadleg NIBOR-rente frå Noregs Bank, og kan difor avvike noko frå den gjennomsnittlege utlånsrenta til bankane.
Lågare forsikringspremiar
Forsikringsindeksen gjekk ned 2,0 prosent i løpet av den siste månaden etter prisjusteringar hos nokre forsikringsselskap. Det siste året har forsikringspremiane gått ned 2,4 prosent.
Prisstigning på dekk
Dekkindeksen auka med 0,4 prosent frå november til desember. Dei siste tolv månadene har denne delindeksen stige 5,6 prosent.
Dei andre delkostnadsindeksane viser lita eller inga endring den siste månaden.
Statistisk sentralbyrå (SSB) produserer no to indeksar for godstransport på veg. Indeksane i denne meldinga målar utviklinga i dei viktigaste kostnadskomponentane for 10 ulike kjøretøygrupper. Den nye kvartalsvise produsentprisindeksen til SSB målar utviklinga i fakturert pris på transporttenester eksklusiv meirverdiavgift. For fleire detaljar, sjå: Godstransport på veg, prisindeks |
Tabeller:
Kontakt
-
Gudveig Ihlang
E-post: gudveig.ihlang.braten@ssb.no
tlf.: 40 81 13 85
-
Geir Martin Pilskog
E-post: geir.martin.pilskog@ssb.no
tlf.: 40 81 13 83