Totalkostnadsindeksen for lastebiltransport gjekk ned med 0,1 prosent frå august til september. Dei siste tolv månadene har totalkostnadene stige 3,7 prosent.

Lågare kapitalkostnader

Årsaka til nedgangen var at kapitalkostnadsindeksen gjekk ned 2,0 prosent i løpet av den siste månaden. Denne indeksen, som er samansett av avskrivingar, rentekostnader og vektårsavgifter/årsavgift, har likevel stige 4,5 prosent det siste året.

Prisstiging på dekk

Dekkindeksen auka med 1,4 prosent den siste månaden, etter prisjusteringar hos enkelte leverandørar. Det siste året har denne delindeksen stige 5,2 prosent.

Dyrare diesel

Drivstoffindeksen gjekk opp med 0,9 prosent frå august til september. Dei siste tolv månadene har denne delindeksen stige 6,8 prosent.

Drivstoffindeksen er basert på faktiske pumpeprisar den 15. i kvar månad, som er innhenta frå eit representativt utval av forhandlarar over heile landet.

Dei andre delkostnadsindeksane viser lita eller inga endring den siste månaden.

Tabeller:

• Tabell 1 Totalkostnadsindeksar for lastebiltransport. Januar 1998=100