Innhald
Publisert:
Du er inne i ei arkivert publisering.
Kostnadsauke for lastebiltransport
Lastebilkostnadene auka med 0,9 prosent frå juni 2006 til juli 2006, hovudsakleg på grunn av dyrare diesel og auka kapitalkostnader. I løpet av det siste året har dei samla lastebilkostnadene auka med 3,7 prosent.
Drivstoffindeksen gjekk opp med 2,6 prosent den siste månaden. Dei siste tolv månadene har denne delindeksen auka med 6,4 prosent.
Drivstoffindeksen er basert på faktiske pumpeprisar den 15. i kvar månad, som er innhenta frå eit representativt utval av forhandlarar over heile landet.
Auka kapitalkostnader
Kapitalkostnadsindeksen auka med 2,1 prosent frå juni til juli. Frå juli 2005 til juli 2006 har denne indeksen, som er samansett av avskrivingar, rentekostnader og vektårsavgift/årsavgift, stige 5,9 prosent.
Rentekostnaden er basert på konsumprisindeksen og tremånadleg NIBOR-rente frå Noregs Bank, og kan difor avvike noko frå den gjennomsnittlege utlånsrenta til bankane.
Høgare pris på reparasjons- og servicekostnader
Delindeksen for reparasjons- og servicekostnader gjekk opp 1,1 prosent den siste månaden, etter prisjusteringar hos enkelte leverandørar. Det siste året har denne delindeksen auka med 1,6 prosent.
Dei andre delkostnadsindeksane viser lita eller inga endring den siste månaden.
Tabeller:
Kontakt
-
Gudveig Ihlang
E-post: gudveig.ihlang.braten@ssb.no
tlf.: 40 81 13 85
-
Geir Martin Pilskog
E-post: geir.martin.pilskog@ssb.no
tlf.: 40 81 13 83