Innhald
Publisert:
Du er inne i ei arkivert publisering.
Kostnadsauke for lastebiltransport
Totalkostnadsindeksen for lastebiltransport auka med 0,8 prosent den siste månaden. Grunnen er hovudsakleg dyrare diesel, auke i prisane hos ferge- og bomselskapa og høgare forsikringspremiar. I løpet av det siste året har dei samla lastebilkostnadene auka med 3,6 prosent.
Drivstoffindeksen auka med 3,4 prosent i løpet av den siste månaden. Frå januar 2004 til januar 2005 gjekk drivstoffindeksen opp 8,9 prosent.
Auke i ferge-og bomkostnadene
Delindeksen for fergekostnader og bompengar har stige med 4,9 prosent den siste månaden etter prisjusteringar hos fergeselskapa. I løpet av det siste året har denne indeksen stige med 6,5 prosent.
Høgare forsikringspremiar
Forsikringsindeksen auka med 1,1 prosent i løpet av den siste månaden etter prisjusteringar hos enkelte forsikringsselskap. Det siste året har forsikringspremiane stige 1,8 prosent.
Auka kapitalkostnader
Kapitalkostnadsindeksen gjekk opp 0,9 prosent frå desember til januar. Dei siste tolv månadene har denne indeksen, som er samansett av avskrivingar, rentekostnader og vektårsavgifter/årsavgift stige 1,0 prosent.
Prisreduksjon på dekk
Dekkindeksen gjekk ned med 5,2 prosent den siste månaden etter prisreduksjon hos enkelte leverandørar. Det siste året gjekk denne indeksen ned 1,9 prosent.
Dei andre delkostnadsindeksane viser liten eller inga endring den siste månaden.
Tabeller:
Kontakt
-
Gudveig Ihlang
E-post: gudveig.ihlang.braten@ssb.no
tlf.: 40 81 13 85
-
Geir Martin Pilskog
E-post: geir.martin.pilskog@ssb.no
tlf.: 40 81 13 83