I tredje kvartal i år vart det opna 660 konkursar. Dette er ein nedgang på 17,5 prosent samanlikna med same perioden i fjor. Målt i absolutte tal var nedgangen på 140 konkursar.
Den største prosentvise nedgangen finn vi i Troms og Finnmark med 38 prosent færre konkursar. Deretter følgde Agder som hadde 35 prosent nedgang. Målt i absolutte tal var nedgangen størst i Oslo med 47 færre konkursar samanlikna med 3. kvartal 2020.
Det var ingen av fylka som hadde auke i talet på konkursar.
Åtte av ti konkursar, i alt 541, var føretakskonkursar unnateke einskildpersonføretak. Talet gjekk ned med 26 prosent samanlikna med tredje kvartal i fjor. 29 prosent av føretakskonkursane var innanfor byggje- og anleggsverksemd.
Dei resterande 119 konkursane var einskildpersonføretak og personlege konkursar. Det vil seie 49 fleire konkursar enn det var i same periode i fjor, og svarar til ein auke på 70 prosent. Det var berre innanfor forretningsmessig tenesteyting at talet gjekk ned.
Figur 1. Opna konkursar, etter type konkurs og kvartal
Linjediagram med 2 linjer.
Figuren har 1 X akse som viser Kvartal.
Figuren har 1 Y akse som viser Tal. Dataene varierer fra 61 til 1093.
Føretakskonkursar
Einskildpersonføretak inkl. personlege konkursar
Figur 1. Opna konkursar, etter type konkurs og kvartal
