Den viktigaste årsaka til den høge auken i samla skatteinnbetalingar var auka innbetalingar av petroleumsskatt. Frå andre kvartal 2020 til andre kvartal i fjor blei det betalt ut meir i refusjonar av petroleumsskatt enn det blei betalt inn. Årsaka til dette var tiltak i samband med koronapandemien. I første kvartal i år blei det derimot betalt inn 71 milliardar kroner i petroleumsskatt. Det meste av petroleumsskatten i første kvartal blei betalt inn som terminskatt 1. februar, altså før krigen i Ukraina og auken i oljepris seinare denne månaden. Betalingar i første halvår er knytt til inntekter selskapa hadde i fjor.

Figur 1. Innbetalt skatt per kvartal. Milliardar kroner
Liggende søylediagram med 2 linjer.
Figuren har 1 X akse som viser År, kvartal.
Figuren har 1 Y akse som viser Milliardar kroner. Dataene varierer fra -10.708 til 359.809.
Highcharts.com
Figur 1. Innbetalt skatt per kvartal. Milliardar kroner
År, kvartalPetroleumsskattSkatt utanom petroleum
1. kv. 201921,764247,91
2. kv. 201940,884176,173
3. kv. 201922,639225,965
4. kv. 201948,214160,446
1. kv. 202016,286255,039
2. kv. 202032,303137,783
3. kv. 2020−9,493248,265
4. kv. 2020−10,708188,917
1. kv. 2021−2,948262,854
2. kv. 2021−3,592178,503
3. kv. 202119,04243,229
4. kv. 202173,211196,419
1. kv. 202270,966288,843
Kjelde: Skatterekneskap, Statistisk sentralbyrå

Auke også utanom petroleumsskatt

Innbetalingar frå personlege skattytarar og bedrifter utanfor petroleumssektoren har også auka betrakteleg til no i år. Personlege skattytarar betalte inn 252,2 milliardar kroner i første kvartal, noko som er 10,2 prosent meir enn i første kvartal i fjor. Innbetalingar frå upersonlege skattytarar utanfor petroleumssektoren var på 36,4 milliardar kroner, som er ei auke på 7,7 prosent frå same periode i fjor.