Totalt kasta vi 2 131 000 tonn hushaldsavfall i 2025. Dette er ein svak auke på litt over 8 000 tonn frå 2024. Av den totale mengda utgjer matavfall frå hushalda 11 prosent.
– Medan vi ser ein auke i matavfall på 7 prosent frå året før, ser vi også ein nedgang i restavfall på 4 prosent. Tala viser at krava om kjeldesortering av matavfall frå private hushald fungerer, seier seniorrådgjevar Manju Chaudhary.
Figuren viser mengdene hushaldsavfall frå 2006 til 2025, og kva behandling avfallet har blitt levert til.
Stigane trend for materialgjenvinning
I likskap med tidlegare år har materialgjenvinningsgraden også stige i år. 49 prosent av avfallet frå hushalda blir sendt til materialgjenvinning, dette er ei auke på 3 prosentpoeng frå fjoråret. Dette inkluderer også avfall sendt til biogassproduksjon og kompostering. 47 prosent går til forbrenning, medan dei resterande 4 prosentane går til deponi og anna behandling.
SSB sine tall seier kor mykje avfall som blei levert til materialgjenvinning – ikkje kor mykje som faktisk vart gjenvunne. Desse talla samsvarar ikkje alltid.
– Vi har sett ein aukande grad av materialgjenvinning for hushaldsavfallet sidan 2015, seier seniorrådgjevar Manju Chaudhary.
EU har fleire mål når det kjem til materialgjenvinning. Målet for materialgjenvinning for 2025 (regjeringen.no) er at 55% av "hushaldsavfall og liknande avfall frå næringslivet" blir brukt til materialgjenvinning og førebuing til ombruk.
Kastar mest restavfall
Restavfall er den avfallstypen vi kastar mest av i hushalda. I 2025 utgjorde restavfall 38 prosent av avfallet vårt. Deretter kastar vi mest treavfall, matavfall og papp, som alle utgjer mellom 9 og 12 prosent av totalen.
Dei avfallstypane med størst endringar frå 2024 til 2025 var:
- Restavfall minka med 30 000 tonn, tilsvarande 4 prosent
- Treavfall auka med 16 000 tonn, tilsvarande 7 prosent
- Matavfall auka med 14 000 tonn, tilsvarande 7 prosent
Auking konsum medan avfall flatar ut
Figur 3 viser korleis forbruket og avfallsmengda til norske hushald har utvikla seg frå 1996 til 2025. Grafen gir ein indikasjon på om Noreg nærmar seg eit meir sirkulært samfunn, der forbruket aukar meir enn avfallsgenereringa. Forbruket og avfallsmengda har auka i takt over fleire år. Frå 2013 kom det eit skifte i forholdet mellom forbruk og hushaldsavfall, der avfallsmengda har flata ut medan forbruket framleis har auka.
Statistisk sentralbyrå har gjennomført ein hovudrevisjon av nasjonalrekneskapen. For nokre delar av rekneskapen blei reviderte tal publiserte i desember 2024, men hovudtyngda blei publisert mot slutten av 2025. Konsum i hushald er eitt av områda som fekk metodeendring i denne revisjonen, noko som har ført til høgare verdiar samanlikna med den tidlegare utrekningsmetoden.