Etter ein periode med høg investeringsaktivitet, viser statistikken Næringar på Svalbard ein nedgang i bruttoinvesteringar i fast realkapital på 8 prosent frå 2023 til 2024.
Nedgang i byggje- og anleggsverksemd
Det er næringshovudområdet byggje- og anleggsverksemd som står for den største nedbremsinga. Denne næringa opplever eit markant fall i alle sentrale variablar: investeringar, omsetning, lønnskostnader, talet på årsverk og talet på bedrifter gjekk alle ned i 2024.
– At investeringane fell noko tilbake etter eit år med større løft er ikkje uventa, og nedgangen i byggjebransjen er ein naturleg konsekvens av at store prosjekt blir avslutta, seier rådgivar Mikeel Sandberg i Statistisk sentralbyrå.
Stabil drift for andre næringar
Trass i nedgangen i byggjebransjen, viser tala for 2024 ein markant stabilitet i den daglege drifta for Svalbard-næringslivet samla sett. Den totale omsetninga er på nesten same høge nivå som i 2023.
– Medan investeringane peikar nedover, ser me at dei andre sentrale variablane har flata ut etter ein periode med sterk vekst. Dette tyder på at næringslivet har nådd eit høgt og stabilt aktivitetsnivå, seier rådgivar Mikael Sandberg i Statistisk sentralbyrå.
Denne stabiliteten blir også spegla i arbeidsmarknaden for Svalbard samla sett. Både det samla talet aktive bedrifter og det samla talet på tilsette viser berre marginale endringar frå året før.
Omsetninga på Svalbard er tilnærma uendra
Den totale omsetninga på Svalbard auka 1 prosent i 2024. Det blei omsett for totalt 5,5 milliardar kroner. Den største omsetninga på 1 014 millionar hadde næringane innanfor transport og lagring.
Litt færre årsverk
Talet på årsverk gjekk ned med 2 prosent frå 2023, som svarer til omlag 36 årsverk. Fallet var størst innafor næringane Byggje- og anleggsverksemd med 75 årsverk. Samla sett blei fallet dempa av ein jamn, men svak vekst i dei andre næringane.
Slutt for kulldrift
Store Norske Spitsbergen Grubekompani AS (SNSG). Norsk, statseigd gruveselskap som sidan 1916 har drive den norske kolproduksjonen på Svalbard. auka omsetninga frå 120 millionar i 2023 til omtrent 180 millionar i 2024. Totalt selde Store Norske 120 000 bruttotonn kol i 2024, mot 83 000 året før.
Kolproduksjonen til selskapet i 2024 gjekk føre seg uavkorta i Gruve 7. Gruva har vore i regulær drift sidan 1976. Gruve 7 har i lang tid levert faste volum til europeiske industrikundar som nyttar kullet mellom anna som ingrediensen i støypeformer til metallindustrien. Som planlagt vart Gruva 7 stengt sommaren 2025 og arbeidet med opprydding starta opp og er venta å vera ferdigstilt i løpet av to år.
