Det finst også ein bokmålsversjon av undervisningsopplegget.
I undervisningsopplegget får elevane kunnskap om:
- kva ein makroøkonomisk modell kan fortelje
- utvalde faktorar som påverkar konkurranseevna, og konsekvensar av endringar i desse faktorane
I dette undervisningsopplegget tek vi utgangspunkt i Statistisk sentralbyrås makroøkonomiske modell KVARTS. I undervisningsopplegget gjev vi innblikk i korleis endringar i sentrale utanlandske forhold påverkar konkurranseevna, utviklinga i BNP Fastlands-Noreg og innanlands prisvekst (målt med KPI).
Opplegget tek utgangspunkt i Boks 1.2. Utviklingen internasjonalt er viktig for konjunkturutviklingen i Norge i Statistisk sentralbyrås Økonomiske analyser 3/2024.
Dersom de har innspel til kva vi kan forbetre i dette undervisningsopplegget, eller har andre tema de gjerne ser at SSB lagar opplegg om, så skriv til oss på skole@skole.no
- kva ein makroøkonomisk modell kan fortelje
- utvalde faktorar som påverkar konkurranseevna, og konsekvensar av endringar i desse faktorane
Opplegget er laga for elevar som tek Samfunnsøkonomi 1 og Samfunnskunnskap fellesfag. Undervisningsopplegget tek utgangspunkt i desse kompetansemåla i læreplan Samfunnsøkonomi (SOK01-03) (udir.no) og Samfunnskunnskap (SAK 01-01) (udir.no)
- velje og bruke kjelder, økonomiske teoriar og modellar i arbeid med faglege spørsmål, emne og problemstillingar (samfunnsøkonomi 1 og 2)
- utforske ulike faktorar som påverkar konkurranseevna, og drøfte konsekvensar av endringa i konkurranseevna (samfunnsøkonomi 2)
- utforske og presentere dagsaktuelle tema eller debattar ved å bruke samfunnsfaglege metodar, kjelder og digitale ressursar, og argumentere for eigne og andre sine meiningar og verdiar (samfunnskunnskap)
Meld deg på nyheitsbrev og få tips om relevant innhald på ssb.no.
