Totalt kasta vi 2 123 000 tonn hushaldsavfall i 2024.
– Den totale avfallsmengda frå hushalda har auke med 2 prosent frå i fjor, men mengda restavfall har gått ned med 1 prosent, seier seniorrådgjevar Manju Chaudhary.
Krav om kjeldesortering av matavfall frå private hushald synast i tala. Medan matavfall auka med 8000 tonn gjekk restavfall ned med 10 000 tonn.
Figuren viser mengdene hushaldsavfall frå 2006 til 2024, og kva behandling avfallet har blitt levert til.
Stigane trend for materialgjenvinning
I likskap med tidlegare år har materialgjenvinningsgraden stige dette året også. 46 prosent av avfallet frå hushalda blir sendt til materialgjenvinning. Dette inkluderer også avfall sendt til biogassproduksjon og kompostering. 49 prosent går til forbrenning, medan dei resterande 5 prosentane går til deponi og anna behandling.
SSB sine tall seier kor mykje avfall som blei levert til materialgjenvinning – ikkje kor mykje som faktisk vart gjenvunne. Desse talla samsvarar ikkje alltid.
– Vi har sett ein aukande grad av materialgjenvinning for hushaldsavfallet sidan 2015, seier seniorrådgjevar Manju Chaudhary.
EU har fleire mål når det kjem til materialgjenvinning. Noreg nådde ikkje målet om 50 prosent materialgjenvinning for hushaldsavfall innan 2020. Målet for materialgjenvinning for 2025 (regjeringen.no) er at 55% av "hushaldsavfall og liknande avfall frå næringslivet" blir brukt til materialgjenvinning og førebuing til ombruk.
Kastar mest restavfall
Restavfall er den avfallstypen vi kastar mest av i hushalda. I 2024 var restavfall 40 prosent av avfallet vårt. Etter det kastar vi mest treavfall, matavfall og papp, som alle ligg på rundt 9 til 11 prosent av totalen.
Dei avfallstypane med størst endringar frå 2023 til 2024 var:
- Hageavfall auka med 20 000 tonn, tilsvarande 14 prosent
- Farleg avfall auka med 15 000 tonn, tilsvarande 21 prosent
- Restavfall minka med 10 000 tonn, tilsvarande 1 prosent
- Matavfall auka med 8000 tonn, tilsvarande 4 prosent
Auking i både konsum og avfall
Figur 3 visar korleis forbruksmengda og avfallsmengda til norske hushald har endra seg frå 1996 til 2024. Denne grafen gir oss ein indikasjon på om Noreg nærmar seg eit samfunn med meir sirkulær økonomi – med eit høgare konsum enn generering av avfall. Forbruket og avfallet har auka i takt over fleire år. Frå 2022 var det et skifte i forholdet mellom konsum og avfall frå hushalda, kvar avfall gjekk ned mens konsumet framleis auka.