Nye tal frå overnattingsstatistikken syner at det var 1,9 millionar hotellovernattingar i april. Det var 34 000 fleire norske og 28 000 fleire utanlandske hotellovernattingar, ein auke på høvesvis 2,5 og 5,9 prosent frå april i fjor.
I år var siste del av påsken i april, medan heile påsken var i april i fjor. Fleire by- og konferansehotell heldt difor ope fleire dagar i april i år enn i fjor. Dette bidrog til ein auke for både norske og utanlandske hotellovernattingar.
Flest hotellovernattingar i Oslo
Det var flest hotellovernattingar i Oslo, med 411 000 overnattingar, følgt av Vestland med 299 000 overnattingar.
Hotellovernattingar i Akershus og Vestland bidrog mest til den samla oppgangen i april, samanlikna med april i fjor. Desse to fylka stod for over halvparten av auken i talet på hotellovernattingar.
Frå 19. april har det vore streik i hotell- og restaurantnæringa. I starten av streiken vart hotell i Oslo og Bergen tatt ut. Mot slutten av april vart streiken trappa opp og fleire områder vart ramma.
– Trass i streiken ser vi ein vekst i tala for overnattingar i Oslo i april. Nokre av hotella som er ramma av streiken rapporterte ein liten nedgang i talet på overnattingar samanlikna med april i fjor, men foreløpig er det få hotell som rapporterar at nedgangen i overnattingar skuldast streiken, seier seniorrådgjevar Guro Henriksen i Statistisk sentralbyrå.
Det var størst nedgang i talet på Merk skilnaden på «overnattingar» og «gjestar». Ein gjest kan stå for fleire overnattingar i Innlandet, Vestfold og Agder.
Stor auke i losjiomsetning på hotell
Omsetning for overnattingar skal ikkje omfatte omsetning for eventuell servering, sjølv om måltid er inkludert i prisen for opphaldet ved norske hotell var på 1,8 milliardar kroner i april i år. Samanlikna med april 2025 har losjiomsetninga auka med 11 prosent, medan talet på hotellovernattingar har auka med 3,4 prosent. Dei største bidraga for den samla auken i losjiomsetning kom frå Oslo og Vestland fylke, kor losjiomsetninga auka med høvesvis 12 og 16 prosent.
– Mange hotell har rapportert at prisane har auka på grunn av ein generell stigning i kostnadene og auka etterspurnad, seier Henriksen.
Nedgang på campingplassane i neste alle fylka
Legg vi til overnattingar på campingplassar, hyttegrender og vandrarheimar, var det 2,4 millionar overnattingar ved Tala omfattar overnattingar på hotell, hyttegrend, camping og vandrarheim i april. For campingplassar var det ein nedgang i talet på overnattingar på 11 prosent, medan talet på overnattingar ved hyttegrender og vandrarheimar auka med om lag 1 prosent.
Totalt var det 287 000 overnattingar på campingplassane i april. Det var ein nedgang i overnattingar på campingplassar i nesten alle fylka. Det var 252 000 norske overnattingar, ein nedgang på 9,4 prosent samanlikna med april i fjor. Utanlandske overnattingar gjekk ned med 19 prosent, til 35 000.
Overnattingar på hyttegrender og vandrarheimar
Det var 275 000 overnattingar på hyttegrender og vandrarheimar. Norske overnattingar gjekk ned 1,7 prosent medan utanlandske overnattingar gjekk opp 4,2 prosent.
Fordelinga mellom norske og utanlandske overnattingar, og fordelinga på ulike nasjonalitetar har blitt betre over tid. Betre fordeling på nasjonalitet skuldast blant anna: Likevel er det framleis utfordringar med gjester som bestiller via internasjonale bookingplattformer, der bustadsland ikkje alltid er eintydig ved bestilling. I nokre tilfelle kan desse gjestene bli registrert på landet kor bookingplattformen er registeret. Fleire av dei store bookingplattformane er amerikanske. Dette kan bidra til ein overrepresentasjon av amerikanske overnattingar i statistikken. Vi kjenner ikkje omfanget av denne feilregistreringen.
Frå februar 2026 har vi endra metoden for utrekning av overnattingar for faste sesongkontraktar ved campingplassar som ikkje kan rapportere eksakte tal for overnattingar. Aktørar som ikkje har opplysningar om talet på overnattingar, kan no rapporter talet på sesongkontraktar i bruk. Statistisk sentralbyrå reknar deretter ut overnattingar ved hjelp av faktorar basert på månad, og kva fylke campingplassen ligg i. Faktorane er fastsette på bakgrunn av historiske data og dialog med bransjen.