Et Discussion Paper er en foreløpig versjon av et forskningsarbeid som forfatterne ønsker diskusjon rundt og innspill på, før de eventuelt reviderer og prøver å få publisert en endelig versjon i et vitenskapelig tidsskrift. Discussion papers blir kommentert av andre forskere i SSB før publisering, men både konklusjoner og metodevalg står for forfatterens egen regning.

Vi definerer populasjonen på same måte i alle år, innfører fleksible føresetnader om forma på fordelinga innanfor formuesgruppene og korrigerer for variasjonar i den skattbare formuesgrensa frå år til år. Rammeverket vi presenterer kan òg nyttast for andre land der det er tilgang på liknande data.

Som mål på ulikskap bruker vi Gini-koeffisienten. Tidlegare forsking på ulikskap over lange tidshorisontar, har fokusert på formuesdelar blant den rikaste prosenten. Ved å bruke Ginikoeffisienten som mål på ulikskap får vi med endringar i skilnader mellom folk i heile fordelinga. Vi dekomponerer og Gini-koeffisienten. Dekomponeringa gjer at vi kan skildre kor i fordelinga endringar i ulikskap stammar frå, samt at vi kan samanlikne resultata våre med tidlegare forsking som berre har sett på topp-formuesdelar.

Basert på norske data for skattbar formue for perioden 1912 – 2019 finn vi at ulikskapen i fordelinga av formue blant norske hushald var svært høg på starten av 1900-talet, gjekk ned på 1950- og 1960- talet og har auka vesentleg frå 1980-talet og fram til i dag. Veksten i ulikskap dei siste fire tiåra skuldast hovudsakeleg stigande formue for den rikaste prosenten, medan utjamninga mellom hushalda tilhøyrande den resterande 99 prosenten er den viktigaste grunnen til reduksjonen i ulikskap frå tidleg på 1950-talet til seint på 1960-talet.

Artikkelen presenterer òg resultat for ulikskap i formue for perioden 1969 - 2019 når marknadsverdien av eigen bustad reknast inn i grunnlaget for formue, og for eit utvida formuesomgrep basert på data frå nasjonalrekneskapen. Dei ulike føresetnadene brukt til å fordela aggregerte tal frå nasjonalrekneskapen gir ulike resultat når det gjeld nivået på ulikskapen i formue, men utviklinga over tid viser den same U-forma som for skattbar formue.