Føremålet med skjemaet
Føremålet med skjema 35B er å innhente data om energibruken i kommunale føremålsbygg. Dette er nødvendig styringsinformasjon i samband med arbeidet kommunane gjer innafor klima- og energiplanlegging. Rapporteringa er iverksett fordi ei samla oversikt over eigen energibruk i kommunane ikkje er tilgjengeleg frå andre datakjelder.
Faktorar for omrekning til kWh (oppgåvegivar kan bruke eigne faktorar dersom oppgåvegivar meiner at desse er sikrare)
| Energivare | Enhet | Omregnet til kWh |
| Fyringsolje | 1 liter | 10,056 kWh |
| Fyringsolje | 1 kg | 11,972 kWh |
| Fyringsparafin | 1 liter | 9,694 kWh |
| Fyringsparafin | 1 kg | 11,972 kWh |
| Naturgass, i gassform | 1 Sm3 | 9,92 kWh |
| Naturgass, flytende (LNG) | 1 kg | 12,5 kWh |
| LPG (propan og butan) | 1 liter | 6,778 kWh |
| LPG (propan og butan) | 1 kg | 12,815 kWh |
| Pellets | 1 kg | 4,8 kWh |
| Flis | 1 kg | 4,3 kWh |
| Ved og treavfall | 1 m3 fast mål | 2330 kWh |
| Bioetanol | 1 liter | 5,5 kWh |
| Bioetanol | 1 kg | 7,4 kWh |
| Biodiesel | 1 liter | 8,6 kWh |
| Biodiesel | 1 kg | 10,2 kWh |
| Biogass | 1 kg | 2,8 kWh |
Rettleiing
Dette skjemaet skal berre rapporterast av/for kommunale føretak (KF) som eig føremålsbygg (kommunar skal ikkje rapportere på skjema 35B).
Rapporteringa av energibruk i skjema 35B gjeld for den parten av arealet som rapporterast i skjema 34B som det kommunale føretaket eig.
Følgjande skal ikkje rapporterast:
- Energibruk i lokalar som det kommunale føretaket leiger
- Energibruk til andre føremål enn dei som er oppførte på skjemaet
- Lokalar som leiges ut til private aktørar
Lokalar som mellombels ikkje er i aktiv bruk, førast på føremålet dei tidlegare har vore brukt til.
Dersom fullstendige opplysningar om energibruken for det eigde arealet manglar, ber vi om at dette blir berekna, slik at det blir samsvar mellom rapporteringa av energibruk i skjema 35B og eigd areal i skjema 34B.
Energibruken skal fordelast på desse føremåla:
- Funksjon 130 Administrasjonslokale
- Funksjon 221 Førskolelokale
- Funksjon 222 Skolelokale
- Funksjon 261 Institusjonslokale
- Funksjon 381 Kommunale idrettsbygg
- Funksjon 386 Kommunale kulturbygg
For kva som inngår i dei ulike funksjonane, sjå regjeringas KOSTRA-rettleiing (regjeringen.no).
Tala skal gjelde brutto tilført energi av dei ulike energivarene, målt i kWh. Dette kan avvike frå det som er kjøpt inn eller betalt for i gjennom året pga. lagerendringar eller forskotts- eller etterskottsbetaling. Det betyr òg at ein ikkje skal korrigere forbrukstala i høve til utnyttingsgraden (verknadsgraden) eller unormalt forbruk pga. temperaturavvik frå normalen.
Alt energiforbruk skal plasserast på energitypane som er oppgitt i skjemaet. ”Gratisvarme” frå varmepumper, solfangarar og liknande skal ikkje rapporterast, men energien (vanlegvis elektrisitet) som blir brukt til å drive slike varmekjelder skal rapporterast. Biogass skal førast som bioenergi, ikkje saman med naturgass.
Dersom det kommunale føretaket har eit lokalt fjernvarmeanlegg (nærvarmeanlegg), skal energivareforbruket førast på energivarene som blir brukt til å drive anlegget. Da skal den distribuerte eller forbrukte fjernvarmen ikkje rapporterast. Dette gjeld òg for fjernkjøling.
Dersom bygningane blir brukt på fleire tenesteområde eller føremål, og det ikkje er mogleg å fordele energibruken på desse ut frå opplysningane som føretaket har om energiforbruket, skal forbruket fordelast på dei aktuelle tenesteområda etter skjøn.