Dov vaestiedassh vihkele
Mijjieh vaestiedassh datneste daarpesjibie juktie maehtedh jaahkods statistihkem Saemiedigkieveeljemen bïjre bæjhkoehtidh. Mejtie jïenestih jallh ij, jïh ovjearohke dov ïedtjeste politihkese, dov vaestiedassh leah vihkele juktie dan bööremes representatijve guvviem vedtedh dejstie gïeh Saemiedigkien veeljemelåhkosne.
Illedahkh åtnasuvvieh byögkeles statistihkesne jïh dotkemisnie. Saemiedigkie lea beetnehdåarjoem vadteme goerehtæmman jïh libie dam tjïrrehtamme fïerhten saemiedigkieveeljemen mænngan 2009 raejeste.
Mijjieh dan bïjre gihtjebe
- politihkeles iedtje
- leajhtadimmie
- mejtie leah jïenestamme saemiedigkieveeljemisnie
- krirrieveeljeme
- guktie bïevnesh veeljemen bïjre reebleme
- vuajnoeh ovmessie saemiepolitihkeles aamhtesidie
Vaasa ovrehte 15 minuhth goerehtimmiem vaestiedidh, men tïjjeåtnoe ånnetji jeerehte almetjistie almetjasse.
6000 almetjh leah saahtlaakan geasalgovveme Saemiedigkien veeljemelåhkoste juktie meatan årrodh goerehtimmesne. Naakenh dejstie aaj plearoeh goerehtimmesne geasalgovvin 2021.
Jis leah geasalgovveme meatan årrodh goerehtimmesne, datne bööresovvh elektrovneles gihtjemegoeresne vaestiedidh. Datne prieviem Altinneste åådtjeme, jallh påastesne, lissine SMS:se SSB:ste. Prievesne sïjhth svaalhtesem goerese gaavnedh maam edtjh dievhtedh.
Maahtah aaj diedtedh båalose «Mïnnh goerehtæmman» bijjemes daennie needtesæjrosne jïh desnie vaestiedidh. Datne utnije-ID:m gaavnh prievesne maam Altinnesne jallh påastesne åådtjeme.
Maahtah veeljedh mejtie sïjhth goerehtimmiem vaestiedidh daaroengïelesne, julevsaemien, noerhtesaemien jallh åarjelsaemien gïelesne
- Mijjieh vaestiedasside nuhtjebe ajve statistihkem darjodh, jïh ibie gåessie gih aktegsvaestiedassh bæjhkohth.
- Jïjtjevyljehke meatan årrodh goerehtimmesne. Dov vaestiedassh sijhtieh viehkiehtidh buerebe statistihkem saemien demokratijen bïjre evtiedidh.
- Maahtah jïjtjemdh giesedh jïh birredh dov vaestiedassh skubpesuvvieh åvtelen 31.12.2025. Dellie maahtah ringkedh jallh mijjese e-påastem seedtedh.
- Ihke goerehtimmie edtja dan åenehke årrodh goh gåarede, mijjieh bïevnesh dov bïjre nuhtjebe registerijstie mejtie SSB baahtsemem åtna. Lissine bïevnesidie Åålmegeregisteristie lea bievnesh ööhpehtimmien bïjre mejtie SSB fïerhten jaepien skuvlijste, fylhkijste jïh Lånekasseste veedtjie, bïevnesh barkoen, baalhkan, beetnehjeeluven, trygdi jïh dåarjoej bïjre leah veedtjesovveme Skaehtieetaateste jïh Naveste, jïh bïevnesh mejtie meatan orreme veeljemisnie, tjïelten veeljemelåhkoste. Mijjieh aaj bïevnesh baalhkan bïjre dov gåetiegåntan ektiedibie. Jis lih meatan Saemiedigkieveeljemegoerehtimmesne 2021, sïjhtebe dov vaestiedassh ektiedidh dejnie maam vaestiedih 2021.
- Mænngan galhkeme daatide sïjse tjöönghkedh, sïjhtebe gaajhkh nommh, adressh jïh reakedsnommerh skubpedh daatamaterijelleste. Sijjeste reakedsnommerem mijjieh kodanommerem tjaelebe. Dan åvteste mijjieh sïjhtebe datnem gaskesadtedh mænngan, sïjhtebe sov reakedsnommerem vöörhkedh, men eevre sïerrene dejstie vaestiedassijste mejtie leah vadteme. ISF sæjhta ajve fijlem kodanommerinie jïh anonyjme illedahkigujmie dåastodh. 2026 åvtelen sïjhtebe aaj kodanommerem skubpedh. Jis lih meatan Saemiedigkieveeljemegoerehtimmesne 2021, kodanommere skubpesåvva åvtelen 2026. ISF sæjhta ajve anonyjme illedahkh dåastodh. Mij mieride mij leah faamosne dutnjien, bööredimmieprievesne tjåådtje mejtie Altinnesne jallh påastesne åådtjeme.
- Goerehtimmie dorjesåvva statistihkelaaken jïh persovnebïevneselaaken mietie. Jis dov leah gyhtjelassh persovnevaarjelimmien bïjre, maahtah e-påastem seedtedh diekie personvernombud@ssb.no jallh vielie lohkedh mijjen needtesæjrosne persovnevaarjelimmien bïjre.
Dov jienebh gyhtjelassh?
Jis ih vaestiedassem gaavnh dïsse maam onterdh, maahtah mijjem gaskesadtedh e-påastesne jallh tellefovnesne. Gïehtjh gaskesadtemebïevnesh vöölemes daennie sæjrosne.