«Maná guoradallamij»

Duv vásstádusá li ájnnasa

Dárbahip dujsta vásstádusájt váj buktep almodit luohtedahtte statistihkav Sámediggeválga birra. Vájku dal jienasti jali ittji, ja vájku makta politihkas berusta, de li duv vásstádusá ájnnasa váj oadtjop nav representatijva gåvåv gå ber máhttelis sijájs gudi li Sámedikke jienastuslågon.

Båhtusa aneduvvi almulasj statistihkan ja dutkamin. Sámedigge l guoradallamav ruhtadam ja dáv lip tjadádam juohkka sámediggeválga maŋŋela jage 2009 rájes.

Gatjádip dáj birra

  • politihkalasj berustibme
  • luohtádus
  • jus sámediggeválgajda jienasti
  • makkir belludagáv jienasti
  • gåktu la diedojt åttjudam válga birra
  • vuojno duon dán sámepolitihkalasj vidjura hárráj

Guoradallamav vásstedit vihpá birrusij 15 minuhta, valla ij má juohkkahasj sæmmi ållo ájgev ane.

6 000 ulmutja li Sámedikke jienastuslågos vuorbbáduvvam guoradallamij oassálastátjit. Soabmása sijájs aj muodugasj guoradallamij vuorbbáduvvin jagen 2021.

Jus la vuorbbáduvvam guoradallamij vásstedittjat, de gåhtjoduvá dasi vásstedittjat elektråvnålasj gatjálvissjiemán. Oadtjum la girjev Altinnan jali påsta baktu, duodden SMS:aj SSB:as. Girjen gávna sválldasav nágin skåvvåj mav galga dievddet.

Máhtá aj dieddelit «Maná guoradallamij» bajemusán dán næhttabielen vásstedittjat. Addne-ID:av gávna girjen mav la Altinnan jali påsta baktu oadtjum.

Besa vásstedit girjjedárogiellaj, julevsámegiellaj, nuorttasámegiellaj jali oarjjelsámegiellaj

  • Vásstádusájt adnep dåssju statistihka diehti, ep goassak ájnegis vásstádusájt almoda.
  • Iesj mierreda jus guoradallamij sebra. Duv vásstádusá sjaddi viehkken váj oadtjop buorep statistihkav sáme demokratijja birra.
  • Besa gæssádit ja ánodit duv vásstádusá ierit sihkoduvvi åvddåla 31.12.2025. Jus sidá dav dahkat de galga midjij riŋŋgut jali e-påstav sáddit.
  • Váj iesj guoradallam galggá liehket nav oanegasj gå ber vejulasj, de adnep diedojt duv birra regisstarijs masi SSB bessi. Duodden Álmmukregisstarij guosská dát diedojda åhpadusá birra majt SSB viedtjá juohkka jage skåvlåjs, fylkajs ja Luojkkamkássas, diedo bargoj, sisbåhtusa, oajoj ja doarjjagij birra majt lip Værroetáhtas ja NAV:as viedtjam, ja diedo válgaj oassálasstema birra majt suohkanij álmmuklågojs lip viedtjam. Viedtjap aj diedojt man ålov duv goaden lihpit tjijnnim. Jus oassálassti Sámediggeválga guoradallamij jagen 2021, de duv vásstádusájt tjadnap dasi majt vásstedi jagen 2021.
  • Maŋŋela gå dáhtátjoahkkim la låhpaduvvam, de divna namá, adressa ja riegádimnummara gádoduvvi dáhtámateriálas. Riegádimnummara sadjáj biedjap kåvddånummarav. Danen gå sihtap dujsta ietjá bále vas gatjádit, de duv riegádimnummarav sihtap vuorkkit, valla ållu sierra ietjat vásstádusájs. ISF oadtju dåssju fijlav kåvddånummarij ja namádis båhtusij. Åvddåla 30.06.2030 sihkkop aj ierit kåvddånummarav ja riegádimnummarav. Jus 2021 Sámediggeválga guoradallamij oassálassti, de kåvddånummar sihkoduvvá ierit åvddåla 2026. ISF oadtju dåssju namádis båhtusijt. Makkir ájggemierre dujna l, tjuodtju gåhttjomin mav la oadtjum juogu de Altinnan jali påsta baktu.
  • Guoradallam tjadáduvvá statistihkkalága ja persåvnnådiedojlága milta. Jus dujna li gatjálvisá persåvnnåsuodjalime hárráj, de besa sáddit e-påstav diehki: personvernombud@ssb.no jali ienebut låhkåt mijá næhttabielijn persåvnnåsuodjalime birra.

Li gus dujna ienep gatjálvisá?

Jus i gávna vásstádusájt, de galga ber midjij e-påstav tjállelit jali riŋŋgut. Guládallamdiedo gávnnuji vuolemusán dán bielen.