Kostnadsindeks for lastebiltransport, mai 2013

Prisutviklinga på diesel førte til at drivstoffindeksen gjekk opp 1,2 prosent den siste månaden. Drivstoffindeksen har likevel gått ned 2,8 prosent frå mai 2012 til mai 2013.

Høgare dekkprisar

Dekkindeksen gjekk opp 0,8 prosent frå april til mai 2013 etter prisjusteringar hos nokre leverandørar. Dei siste tolv månadene har dekkindeksen gått ned 0,2 prosent.

Auke i løn og sosiale kostnader

Lønsindeksen auka med 0,7 prosent den siste månaden. Dei siste tolv månadene har lønsveksten for tilsette innanfor lastebiltransport vore på 4,2 prosent.

Auka kapitalkostnader

Kapitalkostnadsindeksen gjekk opp 0,7 prosent frå april til mai 2013. Dei siste tolv månadene har kapitalindeksen gått ned 2,3 prosent.

Høgare administrasjonskostnader

Administrasjonskostnadene gjekk opp 0,6 prosent den siste månaden. Dei siste tolv månadene har kostnadene stige med 3,6 prosent.

Auka reparasjons- og servicekostnader

Delindeksen for reparasjons- og servicekostnader auka 0,5 prosent frå april til mai 2013. Dei siste tolv månadene har dei totale kostnadene stige med 4,2 prosent.

Høgare ferje- og bomkostnader

Ferje- og bomkostnadene gjekk opp 0,2 prosent den siste månaden. Dei siste tolv månadene har kostnadene stige med 20,0 prosent.