Skatterekneskap, februar 2013

35,5 milliardar kroner har kome frå petroleumsverksemda hittil i år. Det er ein reduksjon på 3,4 prosent, eller 1,2 milliardar kroner, jamført med i fjor. 22,3 milliardar kroner kom frå særskatt på oljeinntekter og 13,2 milliardar kom frå ordinær skatt på olje. Desse to kategoriane fall såleis med høvesvis 2,5 prosent og 4,8 prosent frå i fjor. Lågare skatteinnbetalingar frå oljenæringa no i 2013 kommer av endringar i terminskatten for 2012.

Skatteinntektene auka med 4,4 milliardar kroner frå i fjor

Frårekna kontinentalsokkelen har skatteinntektene auka med 4,4 milliardar kroner, eller 4,2 prosent, jamført med i fjor. Dei totale skatteinntektene utanom kontinentalsokkelen utgjorde dermed 109,1 milliardar kroner. 48,2 milliardar kroner blei betalt til statsforvaltninga i form av fellesskatt til staten i tillegg til skatt på inntekt og formue. 40,9 milliardar blei betalt til folketrygda, og 20 milliardar blei betalt til kommuneforvaltninga. Det er kommuneforvaltninga og folketrygda som har vakse mest, med høvesvis 8,7 prosent og 7,7 prosent. Statsforvaltninga fekk 0,7 prosent meir ved utgangen av februar i år, jamført med same periode i fjor.

Meir innbetalt av personlege skattytarar

Skatteinnbetalingane frå personlege skattytarar auka med 6,7 prosent, til 81 milliardar kroner, frå i fjor. Om vi utelet skatteinnbetalingane frå kontinentalsokkelen, ser vi at upersonlege skattytarar bidreg med 27,9 milliardar kroner, ein nedgang på 2,6 prosent samanlikna med same periode i fjor. Dette kjem av lågare skatteinnbetalingar til staten frå både skatt på inntekt og formue, og fellesskatt.