Grunnlaget for namnestatistikken

Statistisk sentralbyrå bruker kopi av Folkeregisteret frå 01.01. kvart år som grunnlag for namnestatistikken.

Avgrensing

Mange ønskjer å vite om dei er dei einaste som har eit bestemt namn. Statistisk sentralbyrå kan ikkje opplyse om dette på grunn av personvernet.

Avgrensinga er slik:

• Fornamn : Minst 4 personar har namnet
• Etternamn : Minst 4 personar har namnet
• For- og etternamn : Minst 4 personar har namnet

Det er mogleg å søkje på kombinasjonar av to fornamn, men det er ikkje mogleg å søkje på kombinasjonar av fleire etternamn, (til dømes von ... ).

Problem med unorske teikn

Ein del namn inneheld bokstavar som ikkje er med i det norske alfabetet. Behandlinga av desse er ikkje konsekvent i personregisteret. Tidlegare blei alle slike teikn "omsett". No er det mogleg å få med ein del av dei. Resultatet blir eit stort rot. Til dømes av i alt

5449 ANDRE er

1831 ANDRÉ

72 ANDRÈ

og

13 ANDRE'

Dette blir galt same kva. Vi har valt å slå saman variantane, sjølv om enkelte tilfelle blir feil, antakeleg mest når det gjeld etternamn.

Kodingen er slik:

É med E

È med E

Ô med O

' med blank

Ä med Æ

Ü med Y

Ö med Ø