Innhald
Publisert:
Du er inne i ei arkivert publisering.
Høgare barnehagetakstar etter stortingsvedtak
Foreldrebetalinga i kommunale og private barnehagar viste ein samla auke på 2,9 prosent frå januar 2014 til januar 2015. Ein stor del av oppgangen er knyta til aukinga av maksimalsatsen som trådde i kraft 1. januar i år.
| Januar 2013 - Januar 2014 | Januar 2014 - Januar 2015 | |
|---|---|---|
| Kommunale og private barnehagar | ||
| Heile landet | 3,0 | 2,9 |
| Kommunale barnehagar | ||
| Heile landet | 3,3 | 2,7 |
| Oslo og Akershus | 3,5 | 2,6 |
| Hedmark og Oppland | 2,7 | 3,3 |
| Sør-Austlandet | 2,6 | 1,6 |
| Agder og Rogaland | 4,8 | 3,4 |
| Vestlandet | 3,5 | 2,0 |
| Trøndelag | 2,8 | 3,4 |
| Nord-Noreg | 1,9 | 3,2 |
| Private barnehagar | ||
| Heile landet | 2,6 | 3,2 |
Maksimalgrensa for foreldrebetalinga er sett av Stortinget. 1. januar 2015 auka maksimumsprisen frå 2405 kroner per månad til 2480 kroner per månad for ein heiltidsplass. I tillegg til auken i maksimalsatsen må endringane i foreldrebetalinga i perioden sjåast i samanheng med nye satsar for kostpengar og andre ekstrakostnader som skal dekke utflukter og liknande.
Foreldrebetalinga i dei kommunale barnehagane viste ei totalendring på 2,7 prosent dei siste tolv månadane, medan auken i private barnehagar var på 3,2 prosent i den same perioden. Dei offentlege barnehagane står no for 52 prosent av det totale barnehagetilbodet målt i talet på barn i barnehage.
På regionsnivå har oppgangen for dei kommunale betalingssatsane vore lågast på Sør-Austlandet, der prisane steig 1,6 prosent dei siste tolv månadane. Trøndelag har saman med Agder og Rogaland hatt den største prisveksten. I desse to regionane har satsane gått opp 3,4 prosent i denne perioden. I Hedmark og Oppland var prisstiginga på 3,3 prosent, medan auken utgjorde 3,2 prosent i Nord-Noreg. Betalingssatsane auka 2,0 prosent på Vestlandet, og 2,6 prosent i Oslo og Akershus.
Statistikken blir no publisert som Foreldrebetaling i barnehagar.