Produksjonsindeks for olje og gass, industri, bergverk og kraftforsyning, november 2008

Produksjonen av innsatsvarer har gått ned med 3,5 prosent. Nedgangen rammar særleg i metallindustrien og mineralproduktindustrien. Dette heng blant anna saman med lågare byggjeaktivitet . Produksjonen av kjemiske råvarer aukar i perioden.

Liten endring i produksjon av investeringsvarer

Sesongjusterte tal viser at investeringsvarer fall med 0,2 prosent i perioden september til november. I tidligare periodar har investeringsvarer vist ein markant auke. Det er no særleg transportmiddelindustrien som viser nedgang.

Varige konsumvarer kontra ikkje-varige konsumvarer

Konsumvarer i alt viser ein auke i produksjonen for perioden september til november 2008 på 2,6 prosent samanlikna med førre tremånadersperiode. Produksjonen av ikkje-varige konsumvarer aukar med 3,6 prosent, medan varige konsumvarer går ned med 1,8 prosent. Veksten i ikkje-varige konsumvarer er knytt til produksjonsauke i næringsmiddelindustrien.

Nedgang i produksjonen frå oktober til november 2008

Sesongjusterte tal viser at norsk industriproduksjon gjekk ned med 0,8 prosent frå oktober til november 2008. Både for innsatsvarer, investeringsvarer og konsumvarer gjekk produksjonen ned.

Svak vekst sidan november 2007

Virkedagskorrigerte tal viser at samla industriproduksjon har gått opp med 0,2 prosent i november 2008 samanlikna med november 2007. Produksjonen av investeringsvarer har hatt ein auke på 10,6 prosent. Det er særleg maskinindustri og oljeplattformer som gjer at investeringsvarer har ein så sterk auke samanlikna med same månad i 2007. Innsatsvarer og konsumvarer viser nedgang.

Norsk industri samanlikna med eurosona

Norsk industriproduksjon hadde ein oppgang på 1,0 prosent i oktober 2008 samanlikna med oktober 2007, viser virkedagskorrigerte tal. Statistikk frå Eurostat viser at industriproduksjonen i land i eurosona hadde ein nedgang på 6,0 prosent i same tidsrom.

Tabeller