Avløps- og renovasjonsverksemd, omsetning, 5. termin 2008

Bedriftene som arbeider med oppsamling og behandling av avløpsvatn hadde ei omsetning på 328 millionar kroner i 5. termin i fjor, ein auke på 23 prosent samanlikna med 5. termin året før.

Dei bedriftene som driv innsamling og handtering av anna avfall hadde ei omsetning på 2 299 millionar kroner i september og oktober 2008. Dette er ein auke på 7 prosent i forhold til den same terminen i 2007.

Bedriftene som arbeider med ytre reinhald, miljørydding, miljøreinsing og liknande verksemd hadde ei omsetning på 64 millionar kroner i 5. termin i 2008. Omsetningsauken i 5. termin i 2008 var på 28 prosent samanlikna med same perioden i 2007.

Tabeller:

• Tabell 1 Omsetning innafor avløps- og renovasjonsverksemd. Omsetning eksklusiv meirverdigavgift. Millionar kroner