Innhald
Publisert:
Du er inne i ei arkivert publisering.
62 500 tapte arbeidsdagar
Om lag 62 500 arbeidsdagar gjekk tapt som følgje av ti arbeidskonfliktar i 2008. Heile 55 000 av dei tapte arbeidsdagane gjekk tapt som følgje av streik blant lærarar og helsepersonell i offentleg sektor.
Til samanlikning var det tolv konfliktar ved førre hovudoppgjer i 2006, med tap av 146 000 arbeidsdagar. I 2007, då det var mellomoppgjer, var det fire konfliktar med 4 000 tapte arbeidsdagar.
I år med hovudoppgjer, slik som i 2008, er det som regel fleire tapte arbeidsdagar enn i år med mellomoppgjer. Det er hovudoppgjer annakvart år, noko som for dei fleste tariffområda vil seie at det blir inngått toårige tariffavtalar. I år med mellomoppgjer skjer det ein revisjon av dei avtalane som er inngått i hovudoppgjeret. Dette forklarer ein del av dei relativt store endringane i tala frå år til år.
Om statistikkgrunnlagetStatistikken omfattar arbeidskonfliktar både i form av streik og lockout som varer minst ein dag. Oppgåvene blir innhenta frå arbeidsgjevar- og arbeidstakarorganisasjonane. |
Tabeller:
Statistikken blir no publisert som Fagforeiningsmedlemmer og streikar.
Tilleggsinformasjon
Statistikken omfattar arbeidskonfliktar og arbeidsstogg som varar i minst ein dag. Det årlege konflikttalet blir rekna ut frå talet på forbund som hadde arbeidstakarar i ein arbeidskonflikt.
Kontakt
-
SSBs informasjonstjeneste
E-post: informasjon@ssb.no
tlf.: 21 09 46 42