151725_not-searchable
/transport-og-reiseliv/statistikker/overnatting/maaned
151725
Fleire ferie- og fritidsovernattingar i oktober
statistikk
2014-12-05T10:00:00.000Z
Transport og reiseliv;Svalbard
no
overnatting, Overnattingar, hotell, hyttegrender, campingplassar, vandrarheimar, gjestene sin nasjonalitet, kapasitetsutnytting, sengeplassar, hotellrom, romprisar, omsetning, ferieovernattingar, kursovernattingar, yrkesovernattingar, SvalbardReiseliv, Transport og reiseliv, Transport og reiseliv, Svalbard
false
Overnatting, hotell, camping, hyttegrender, vandrerhjem. I oktober 2014 var det 1,6 millionar overnattingar ved norske hotell.

Overnattingar, oktober 2014

Innhald

Publisert:

Du er inne i ei arkivert publisering.

Gå til den nyaste publiseringa

Fleire ferie- og fritidsovernattingar i oktober

I oktober 2014 var det 1,6 millionar overnattingar ved norske hotell. Det er 1 prosent fleire enn i oktober i fjor. Ferie- og fritidsovernattingar ved norske hotell viste ein oppgang på 7 prosent frå oktober 2013 til oktober 2014.

Overnattingar, etter overnattingsmåte og månadPublisert 5. desember 2014
Oktober 2014Overnattingar hittil i år
Overnattingar i altNorske overnattingarUtenlandske overnattingarOktober 2014
Overnattingar i alt1 862 6761 511 790350 88627 208 017
 
Hotell og andre overnattingsbedrifter1 559 4221 263 569295 85317 822 113
Campingplassar175 142157 45817 6846 861 307
Hyttegrender105 77175 74930 0222 184 660
Norske Vandrerhjem22 34115 0147 327339 937

Kilde: Statistisk sentralbyrå

Figur 1. Hotell og liknande overnattingsbedrifter. Overnattingar, etter gjestane sin nasjonalitet

Talet på utanlandske hotellovernattingar gjekk opp med 16 000, eller 6 prosent, frå oktober i 2013 til 296 000 i 2014. I den same perioden heldt talet på norske overnattingar omtrent same nivå, eller nærare 1,3 millionar overnattingar.

Overnatting i samband med ferie og fritid eller yrke dominerer med høvesvis 38 og 44 prosent av overnattingane i oktober i år. Ferie- og fritidsovernattingar viste ein oppgang på 40 000 overnattingar eller 7 prosent frå oktober 2013 til oktober 2014. Overnattingar i samband med kurs- og konferanse- og yrkesovernattingar gjekk samla ned med 23 000 overnattingar, eller 2 prosent.

Små endringar i losjiomsetninga i oktober

Samanlikna med oktober 2013 gjekk losjiomsetninga på hotella opp med 1 prosent, frå 1 071 millionar til 1 081 millionar kroner. Gjennomsnittsprisen per rom gjekk opp frå 897 kroner til 903 kroner.

Fleire campingovernattingar

Talet på campingovernattingar var på 175 000 i oktober 2014, det er 3 prosent fleire enn oktober i fjor. Norske overnattingar steig med 8 prosent til 157 000, medan utanlandske overnattingar gjekk ned 30 prosent til 18 000.

Fleire norske hytteovernattingar i oktober

Det vart registrert nærare 106 000 overnattingar på hyttegrendene i oktober 2014. Dette inneber ein oppgang på 6 prosent frå same månad i fjor. Det var 7 500 eller 11 prosent fleire norske overnattingar, medan det var 5 prosent nedgang i dei utanlandske hyttegrendovernattingane.

Stor auke i talet på overnattingar på Svalbard

I oktober 2014 var det 6 000 hotellovernattingar på Svalbard, noko som er 8 prosent fleire enn i oktober 2013. 7 av 10 overnattingar på Svalbard i oktober var ferie- og fritidsovernattingar.

Omlegging gir brot i tidsserienÅpne og lesLukk

Overnattingsstatistikken er lagt om: Tala for hyttegrender og campingplassar kan frå og med januar 2013 ikkje lenger samanliknast med tidlegare år. Omlegginga tyder til dømes: Bedrifts- og foretaksregisteret er, saman med eigne undersøkingar i 2012, nytta som populasjonsregister. I tråd med internasjonale retningsliner er cut-off (nedre grense for at ei bedrift skal vere med) redusert frå 20 til 10 sengeplassar for hotell- og hyttegrendbedrifter og 10 einingar for campingbedrifter. Til slutt vert det for camping og hyttegrender no registrert gjestedøgn framfor einingsdøgn. Omlegginga har hatt mindre å seie for hotella, og samanlikning med tidlegare tal er derfor mogleg. Ein bør vere varsam når ein samanliknar tal for hotell på mindre, regionale nivå.