92733_not-searchable
/transport-og-reiseliv/statistikker/overnatting/maaned
92733
Færre overnattingar på hotella i 2013
statistikk
2014-01-31T10:00:00.000Z
Transport og reiseliv;Svalbard
no
overnatting, Overnattingar, hotell, hyttegrender, campingplassar, vandrarheimar, gjestene sin nasjonalitet, kapasitetsutnytting, sengeplassar, hotellrom, romprisar, omsetning, ferieovernattingar, kursovernattingar, yrkesovernattingar, SvalbardReiseliv, Transport og reiseliv, Transport og reiseliv, Svalbard
false

Overnattingar, desember 2013

Innhald

Publisert:

Du er inne i ei arkivert publisering.

Gå til den nyaste publiseringa

Færre overnattingar på hotella i 2013

I 2013 var det 19,8 millionar overnattingar ved norske hotell. Det er ein svak nedgang frå 2012.

Overnattingar, etter overnattingsmåte og månedPublisert 31. januar 2014
Desember 2013Overnattingar hittil i år
Overnattingar i altNorske overnattingarUtenlandske overnattingarDesember 2013
Overnattingar i alt1 255 205968 143287 06229 302 245
 
Hotell og andre overnattingsbedrifter1 011 386792 286219 10019 767 163
Campingplassar125 518112 24713 2716 766 832
Hyttegrender107 75657 51950 2372 420 625
Norske Vandrerhjem10 5456 0914 454347 625

Kilde: Statistisk sentralbyrå

Figur 1. Hotell og liknande overnattingsbedrifter. Overnattingar, etter gjestane sin nasjonalitet

Samanlikna med 2012 gjekk losjiomsetninga på hotella opp med 2,3 prosent, frå 11,9 til 12,2 milliardar. Gjennomsnittsprisen per rom gjekk opp frå 874 til 897 kroner.

Fleire utanlandske hotellovernattingar

Utanlandske hotellovernattingar gjekk opp med 18 000, eller 0,3 prosent frå 2012 til 2013. Talet på norske overnattingar gjekk i same periode ned med 46 000. Av dei utanlandske var overnattingar frå Sverige i fleirtal med over 700 000. Deretter kjem overnattingar frå Tyskland med 560 000. Britar var den tredje største utanlandsgruppa i 2013. Både danske og tyske hotellovernattingar fall med om lag 12 prosent, medan britar og svenskar var tilnærma uendra.

Overnatting i samband med ferie og fritid dominerer med 48 prosent av overnattingane i 2013, ein nedgang på 1,2 prosent i forhold til 2012. Både yrkesovernattingar og kurs- og konferanseovernattingar gjekk opp med 1 prosent.

Flest norske campingovernattingar

Talet på campingovernattingar utgjorde 6,8 millionar i 2013. Det var 5,4 millionar norske og 1,4 utanlandske overnattingar på campingplassane.

2,4 millionar overnattingar i hyttegrender

Det vart registrert 2,4 millionar overnattingar i hyttegrendene i 2013. Av dei var det 55 prosent norske og 45 prosent utanlandske overnattingar.

Fleire overnattingar på Svalbard

Frå og med mars 2013 inngår tala for Svalbard i den ordinære statistikken. I 2013 var det 95 000 hotellovernattingar på Svalbard, ein auke på 15 prosent i forhold til 2012.

Svak nedgang for hotella i desember

I desember 2013 var det i overkant av 1 million overnattingar på hotella, ein nedgang på 3 prosent.

Nedgangen gjaldt norske overnattingar, med 4 prosent færre i desember 2013 enn i desember 2012. Talet på utanlandske overnattingar gjekk i same periode opp 2 prosent.