Innhald
Publisert:
Du er inne i ei arkivert publisering.
Stabil arbeidsløyse
I august 2013 utgjorde dei arbeidslause 3,5 prosent av arbeidsstyrken.
August 2013 | Endring frå førre ikkje-overlappande tremånadersperiode | |
---|---|---|
13-månadersgjennomsnitt med namnet til midtarste månaden i perioden. | ||
Arbeidslause personar | 96 000 | 2 000 |
I prosent av arbeidsstyrken | 3,5 | 0,1 |
Sysselsette personar | 2 617 000 | 16 000 |
I prosent av befolkninga | 68,8 | 0,2 |
![Figur 1 viser utviklinga i talet på arbeidsløyse ifølgje AKU og tala på registrerte arbeidslause og personar på arbeidsmarknadstiltak. Figur 1 viser utviklinga i talet på arbeidsløyse ifølgje AKU og tala på registrerte arbeidslause og personar på arbeidsmarknadstiltak.](/arbeid-og-lonn/statistikker/akumnd/maaned/_image/145785.png?_encoded=2f66666666666678302f35382f&_ts=14203394c20)
![Figur 2 viser utviklinga i arbeidsløysa i Noreg, Sverige, Danmark, Tyskland, Storbritannia, Frankrike, EU15 og USA. Figur 2 viser utviklinga i arbeidsløysa i Noreg, Sverige, Danmark, Tyskland, Storbritannia, Frankrike, EU15 og USA.](/arbeid-og-lonn/statistikker/akumnd/maaned/_image/145786.png?_encoded=2f66666666666678302f35382f&_ts=14203395008)
![Figur 3 viser utviklinga i talet på sysselsette over tid. Figur 3 viser utviklinga i talet på sysselsette over tid.](/arbeid-og-lonn/statistikker/akumnd/maaned/_image/145787.png?_encoded=2f66666666666678302f35382f&_ts=14203395008)
![Figur 4 viser utviklinga i arbeidsløysa over tid. Figur 4 viser utviklinga i arbeidsløysa over tid.](/arbeid-og-lonn/statistikker/akumnd/maaned/_image/145788.png?_encoded=2f66666666666678302f35382f&_ts=142033953f0)
Ifølgje sesongjusterte tal frå Arbeidskraftundersøkinga (AKU) var det 96 000 arbeidslause personar i august (gjennomsnitt av juli-september). Auken på 2 000 arbeidslause sidan mai (gjennomsnitt av april-juni) er klart innanfor feilmarginen i AKU. Heilt sidan AKU viste ein auke i arbeidsløysa i slutten av 2012 har arbeidsløyseprosenten stort sett variert mellom 3,5 og 3,6, som er innanfor feilmarginen.
Talet på registrerte arbeidslause og ordinære tiltaksdeltakarar hos NAV gjekk opp med 2 000 personar frå mai til august. Også dette talet er sesongjustert og gjennomsnitt av tre månader.
Fleire sysselsette
AKU viser at det var 16 000 fleire sysselsette i august enn i mai, justert for sesongvariasjonar. Denne auken er like innanfor feilmarginen i AKU, men likevel i tråd med utviklinga sidan november 2012. I august utgjorde dei sysselsette 68,8 prosent av befolkninga i alderen 15-74 år, opp 0,2 prosentpoeng frå mai.
Arbeidsløysa ned i USA
I august utgjorde dei arbeidslause i USA 7,3 prosent av arbeidsstyrken , ned 0,3 prosent frå mai. I EU15 gjekk arbeidsløysa ned med 0,1 prosentpoeng i same perioden, til 11,1 prosent i august. I løpet av dei to siste åra er hovudbildet at arbeidsløysa gradvis har gått ned i USA medan arbeidsløysa i EU15 har gått opp til eit nivå på rundt 11 prosent hittil i 2013. I august var arbeidsløysa i Sverige og Danmark på høvesvis 8,0 og 6,6 prosent. I Sverige svarte dette til ein oppgang på 0,1 prosentpoeng frå mai, medan det for Danmark svarte til ein nedgang på 0,2 prosentpoeng.
Statistikken blir no publisert saman med Arbeidskraftundersøkelsen.
Kontakt
-
Arbeidsmarked og lønn
E-post: arbeidsmarked@ssb.no
-
Erik Herstad Horgen
E-post: erik.horgen@ssb.no
tlf.: 93 08 68 62