Opna konkursar, 2. kvartal 2011

Den største prosentvise nedgangen finn vi i Troms, Møre og Romsdal og Oslo, som hadde ein reduksjon på høvesvis 50, 33 og 28 prosent. Oslo, med 74 færre konkursar, er det fylket som hadde den største nedgangen i absolutte tal.

I Hedmark auka talet på konkursar mest, med 79 prosent. Oppgangen i absolutte tal var størst i Rogaland, med 37 fleire konkursar.

Hittil i år har det blitt opna 2 337 konkursar. Dette er 5 prosent færre enn i den same perioden i fjor.

Flest konkursar innanfor varehandel, bygg og anlegg

Sju av ti konkursar - i alt 800 - var føretakskonkursar som ikkje omfattar einskildpersonføretak. Ein tredjedel av dei var innanfor varehandel og reparasjon av motorvogner. Dette er 5 prosent fleire enn i 2. kvartal i fjor.

Dei andre 358 konkursane gjaldt einskildpersonføretak og personlege konkursar. Ein tredjedel av desse dreiv innanfor byggje- og anleggsverksemd. I denne næringa gjekk talet på konkursar ned med 22 prosent.

Få konkurser involverer kvinner samanlikna med menn¹

9 prosent av innehavarane i einskildpersonføretaka som gjekk konkurs i 2010, var kvinner. Dette til tross for at 27 prosent av alle einskildpersonføretaka er drivne av kvinner. Tal over eigarar i personleg eigde føretak finnast i Statistikkbanken knytta til statistikk for eierskap og roller i næringslivet .

Tabeller:

• Tabell 1 Opna konkursar, etter kvartal og fylke. 2010 og 1.-2. kvartal 2011
• Tabell 2 Opna konkursar, etter månad. 2003-2011
• Tabell 3 Opna konkursar, etter næring. 2. kvartal 2010 og 2011
• Tabell 4 Opna konkursar, omsetning og sysselsette, etter næring. 2. kvartal 2010 og 2011
• Tabell 5 Opna konkursar i varehandel, etter næring. 2. kvartal 2010 og 2011
• Tabell 6 Opna konkursar i varehandel, omsetning og sysselsette, etter næring. 2. kvartal 2010 og 2011
• Tabell 7 Opna konkursar i informasjonssektoren (IKT-sektoren og innhalds- og mediesektoren), omsetning og sysselsette, etter næring. 2. kvartal 2010 og 2011
• Tabell 8 Opna konkursar (AS og ASA), etter fylke og aksjekapital (i kroner). 2. kvartal 2010 og 2011
• Tabell 9 Opna konkursar, etter fylke og organisasjonsform. 2. kvartal 2010 og 2011
• Tabell 10 Opna konkursar. Rolleinnehavarar i personleg eigde føretak, etter kjønn, alder, landbakgrunn, utdanningsnivå og næring. 2010
• Tabell 11 Opna konkursar. Eigarar i aksjeselskap (AS og ASA), etter kjønn, alder, landbakgrunn, utdanningsnivå og næring. 2010