Opna konkursar, 3. kvartal 2010

Den største prosentvise nedgangen i konkursane finn vi i Buskerud og Hedmark som hadde ein reduksjon på høvesvis 38 og 32 prosent. Buskerud, med 22 færre konkursar, er òg det fylket som hadde den største nedgangen i absolutte tal, følgt av Oslo med ein nedgang på 21.

Hittil i år har det blitt opna 3 400 konkursar. Dette er 11 prosent færre enn i den same perioden i fjor.

Flest innanfor varehandel samt byggje- og anleggsverksemd

Tre av fire konkursar - i alt 702 - var såkalla føretakskonkursar som omfattar alle føretak unnateke einskildpersonføretak. 200 av dei, nesten ein av tre konkursar, var innanfor varehandel og reparasjon av motorvogner. Dette er 15 prosent færre enn i 3. kvartal i fjor.

247 av konkursane gjaldt einskildpersonføretak og personlege konkursar. Ein av tre som gjekk konkurs, dreiv innanfor byggje- og anleggsverksemd. Totalt var det likevel 7 prosent færre konkursar i denne næringa i år enn i det same kvartalet i 2009.

Færre konkursar blant norskregistrerte utanlandske føretak

9 prosent av konkursane i 3. kvartal var norskregistrerte utanlandske føretak (NUF). Dette tilsvarer ein nedgang på 16,5 prosent samanlikna med det same kvartalet i fjor.

Tabeller:

• Tabell 1 Opna konkursar, etter kvartal og fylke. 2009 og 1.-3. kvartal 2010
• Tabell 2 Opna konkursar, etter månad. 2002-2010
• Tabell 3 Opna konkursar, etter næring. 3. kvartal 2009 og 2010
• Tabell 4 Opna konkursar, omsetning og sysselsette, etter næring. 3. kvartal 2009 og 2010
• Tabell 5 Opna konkursar i varehandel, etter næring. 3. kvartal 2009 og 2010
• Tabell 6 Opna konkursar i varehandel, omsetning og sysselsette, etter næring. 3. kvartal 2009 og 2010
• Tabell 7 Opna konkursar i informasjonssektoren (IKT-sektoren og innhalds- og mediesektoren), omsetning og sysselsette, etter næring. 3. kvartal 2009 og 2010
• Tabell 8 Opna konkursar (AS og ASA), etter fylke og aksjekapital (i kr). 3. kvartal 2009 og 2010
• Tabell 9 Opna konkursar, etter fylke og organisasjonsform. 3. kvartal 2009 og 2010