5538_not-searchable
/virksomheter-foretak-og-regnskap/statistikker/konkurs/arkiv
5538
Nedgangen i tal på konkursar held fram
statistikk
2008-01-25T10:00:00.000Z
Virksomheter, foretak og regnskap;Bank og finansmarked
no
konkurs, Opna konkursar, næringsfordelte konkursar, omsetningsverdi, føretakskonkursar, personlege konkursar, tvangssalg, organisasjonsform, etableringsårKonkurser, Finansielle indikatorer , Bank og finansmarked, Virksomheter, foretak og regnskap
false

Opna konkursar, 4. kvartal 2007

Innhald

Publisert:

Du er inne i ei arkivert publisering.

Gå til den nyaste publiseringa

Nedgangen i tal på konkursar held fram

I siste kvartal i 2007 vart det opna 690 konkursar. Dette er ein nedgang på 12,4 prosent samanlikna med den same perioden året før. I heile 2007 vart det registrert 6 prosent færre konkursopningar enn i 2006.

Totalt vart det registrert 2 845 konkursar i fjor. Den største prosentvise nedgangen finn vi i Vest-Agder med nesten 40 prosent færre konkursar i 2007. Nedgangen i absolutte tal var størst i Rogaland med 60 færre konkursar.

Drygt to av tre konkursar var såkalla føretakskonkursar som omfattar alle føretak unntatt enkeltpersonføretak. I fjor var det 5,5 prosent færre føretakskonkursar enn i 2006. Ein av tre føretakskonkursar finn vi innanfor varehandel. 30 prosent av føretaka som gjekk konkurs i 2007, hadde drive verksemda si sidan 2000 eller før, medan 22 føretak, 1,2 prosent, vart både etablert og slått konkurs i 2007.

Dei resterande 1 001 konkursane gjaldt enkeltpersonføretak som også inkluderer personlege konkursar. Nedgangen låg på 7 prosent samanlikna med 2006. Ein tredjedel av enkeltpersonføretaka som gjekk konkurs i fjor, dreiv innanfor byggje- og anleggsverksemd.

Auke i konkursar av norske avdelingar av utanlandske føretak

Ni av ti føretak som gjekk konkurs i 2007, er anten aksjeselskap eller enkeltpersonføretak (som òg omfattar personlege konkursar). 7,4 prosent av alle konkursane i fjor var norske avdelingar av utanlandske føretak (NUF). Talet på konkursar innanfor denne organisasjonsforma auka frå 117 i 2006 til 211 i fjor.

Tabeller: