Opna konkursar, 2. kvartal 2007

Totalt vart det opna 691 konkursar i andre kvartal i år. Aksjeselskap (AS) og enkeltpersonføretak (ENK) står for 90 prosent av konkursane. Dette er òg dei to vanlegaste organisasjonsformene i norsk næringsliv med ni av ti føretak. I forhold til andre kvartal i fjor steig talet på norskregistrerte utanlandske føretak (NUF) som gjekk konkurs, frå 23 til 56 og utgjorde i siste kvartal 8 prosent av konkursane. Ei forklaring på den store auken kan vere den sterke veksten i talet på nye føretak med denne organisasjonsforma.

432 av konkursane er såkalla føretakskonkursar som omfattar alle føretak unnateke enkeltpersonføretak. Eit av tre vart etablert i 2000 eller før, mens nesten 10 prosent vart stifta i fjor. Nær 40 prosent av føretakskonkursane er innanfor varehandel.

Dei resterande 259 konkursane omfattar både enkeltpersonføretak og personlege konkursar. Ein tredjedel av dei finn ein innanfor bygg og anlegg.

Låg del kvinner i enkeltpersonføretak

Berre ein av ti innehavarar i enkeltpersonføretak som gjekk konkurs i 2006, var kvinner, mens totalt eit av fire enkeltpersonføretak er drivne av kvinner. Delen eigarar i ansvarlege selskap, selskap med delt ansvar og aksjeselskap var på om lag 25 prosent som tilsvarar delen av kvinnelege eigarar i bestanden.

10 prosent av enkeltpersonføretaka som gjekk konkurs i perioden var eigde av personar med ikkje-vestleg bakgrunn. Den same delen i aksjeselskap var 4 prosent.

Tabeller:

• Tabell 1 Opna konkursar, etter kvartal og fylke. 2006-2.kvartal 2007
• Tabell 2 Opna konkursar, etter månad. 1999-2006 og 1.-2. kvartal 2007
• Tabell 3 Opna konkursar, etter næring. 2. kvartal 2006 og 2007
• Tabell 4 Opna konkursar, omsetning og sysselsette, etter næring. 1.-2.kvartal 2006 og 2007
• Tabell 5 Opna konkursar i varehandel, etter næring. 2. kvartal 2006 og 2007
• Tabell 6 Opna konkursar i varehandel, omsetning og sysselsette, etter næring. 1.-2. kvartal 2006 og 2007
• Tabell 7 Opna konkursar i informasjonssektoren (IKT-sektoren og innhaldssektoren), omsetning og sysselsette, etter næring. 2. kvartal 2006 og 2007
• Tabell 8 Føretakskonkursar ekskl. enkeltpersonføretak, etter etableringsår og fylke. 2. kvartal 2006 og 2007
• Tabell 9 Opna konkursar (AS og ASA), etter fylke og aksjekapital (i kroner). 2. kvartal 2006 og 2007
• Tabell 10 Opna konkursar, etter fylke og organisasjonsform. 2. kvartal 2006 og 2007
• Tabell 11 Enkeltpersonføretak inkl. personlege konkursar, etter fylke og innehavarens kjønn. 2. kvartal 2006 og 2007
• Tabell 12 Enkeltpersonføretak inkl. personlege konkursar, etter næring og innehavarens kjønn. 2. kvartal 2006 og 2007
• Tabell 13 Rolleinnehavarar i personleg eigde føretak, etter kjønn, alder, landbakgrunn, utdanningsnivå og næring. 2006
• Tabell 14 Eigarar i aksjeselskap (AS og ASA), etter kjønn, alder, landbakgrunn, utdanningsnivå og næring. 2006