Opna konkursar, 3. kvartal 2006

Totalt er 710 konkursar registrerte i tredje kvartal. Talet er høgast i Oslo og Akershus med høvesvis 145 og 100 konkursar. Dette er 35 prosent av alle konkursane i landet, men nesten ein tredjedel av alle norske føretak er også lokalisert her. Samanlikna med tredje kvartal i fjor har talet på konkursar i Akershus gått opp med 30 prosent, medan det i Oslo har gått ned med 11 prosent.

Flest konkursar innanfor varehandel ...

479 av de 710 konkursane er såkalla føretakskonkursar (gjeld alle føretak unnateke enkeltpersonføretak). Ni av ti føretak (eksklusive enkeltpersonføretak) som går konkurs, er organisert som aksjeselskap (AS).

Ein tredjedel av føretakskonkursane finn vi innanfor varehandel. Konkursar innanfor butikkhandel med klede utgjer 16 prosent av konkursane innanfor denne næringa. Samanlikna med same periode i fjor gjekk likevel det totale talet på konkursar innanfor varehandel ned med 15 prosent.

Kvart tredje føretak som gjekk konkurs i tredje kvartal, vart etablert i 2000 eller før, medan 15 prosent av føretaka vart stifta i fjor eller i år.

... og bygg og anlegg

Det har vore 231 konkursar av enkeltpersonføretak (som også inkluderar personlege konkursar) i tredje kvartal, og 35 prosent av dei finn vi i byggje- og anleggsbransjen. Samanlikna med tredje kvartal i fjor gjekk talet på konkursar i denne næringa opp med 5 prosent.

Igjen færre konkursar i informasjonssektoren

Informasjons- og kommunikasjonsteknologi (IKT) (det vil seie verksemder innanfor industri, varehandel og konsulenttenester knytte til IKT) og innhaldssektoren (mellom anna forlag, radio og fjernsyn), utgjer til saman informasjonssektoren. Nok ein gong har talet på konkursar innanfor desse næringene gått ned. I tredje kvartal 2005 var det 52 konkursar, medan det no, eitt år seinare, har vore 44 konkursar. Dette er ein nedgang på 15 prosent. Halvparten av konkursane gjeld føretak som dreiv med konsulenttenester knytte til IKT. Talet på personar som var sysselsette i IKT-føretaka som gjekk konkurs, auka derimot frå 70 i tredje kvartal 2005 til 75 i same periode i år.

Tabeller:

• Tabell 1 Opna konkursar, etter kvartal og fylke. 2005-3. kvartal 2006
• Tabell 2 Opna konkursar, etter månad. 1998-2005 og 1.-3. kvartal 2006
• Tabell 3 Opna konkursar, etter næring. 3. kvartal 2005 og 2006
• Tabell 4 Opna konkursar, omsetning og sysselsette, etter næring. 1.-3. kvartal 2005 og 2006
• Tabell 5 Opna konkursar i varehandel, etter næring. 3. kvartal 2005 og 2006
• Tabell 6 Opna konkursar i varehandel, omsetning og sysselsette, etter næring. 1.-3. kvartal 2005 og 2006
• Tabell 7 Opna konkursar i informasjonssektoren (IKT-sektoren og innhaldssektoren), omsetning og sysselsette, etter næring.
  3. kvartal 2005 og 2006
• Tabell 8 Føretakskonkursar ekskl. enkeltpersonføretak, etter etableringsår og fylke. 3. kvartal 2005 og 2006
• Tabell 9 Opna konkursar (AS og ASA), etter fylke og aksjekapital. 3. kvartal 2005 og 2006
• Tabell 10 Opna konkursar, etter fylke og organisasjonsform. 3. kvartal 2005 og 2006
• Tabell 11 Enkeltpersonføretak inkl. personlege konkursar, etter fylke og innehavarens kjønn. 3. kvartal 2006
• Tabell 12 Enkeltpersonføretak inkl. personlege konkursar, etter næring og innehavarens kjønn. 3. kvartal 2006