Opna konkursar, 4. kvartal 2004

Regionale skilnader

Alle fylka utanom Oppland, Nord- og Sør-Trøndelag har ein nedgang i talet på opna konkursar frå 2003 til 2004. Størst prosentvis nedgang finn vi i Aust-Agder, Finnmark, Hordaland, Vestfold, Troms, Buskerud og Møre og Romsdal, som alle har hatt ein nedgang på rundt 30 prosent.

Både i 2002, 2003 og 2004 vart 20 prosent av alle konkursane i Noreg opna i Oslo.

For heile landet var mars den månaden med flest konkursar i løpet av året både i 2003 og 2004.

Talet på opna føretakskonkursar, eksklusive enkeltpersonføretak, har gått ned med 13 prosent frå 2003 til 2004, medan talet på opna konkursar i enkeltpersonføretak inkludert personlege konkursar har gått ned med heile 25 prosent i same periode.

Den største nedgangen av opna konkursar frå 2003 til 2004 er innafor produksjon av transportmiddel og anna bergverksdrift og utvinning (ein nedgang på respektive 48 og 46 prosent).

Nedgang i 4. kvartal

Talet på opna konkursar har gått ned med 17 prosent frå fjerde kvartal 2003 til fjerde kvartal 2004.

Meir i Statistikkbanken

I Statistikkbanken finst tal for opna konkursar tilbake til 1999. Konkursar kan her fordelast etter næring, organisasjonsform, etableringsår og storleik etter omsetning og sysselsette. Også omsetning og sysselsette totalt innafor kvar næring er tilgjengeleg, men ikkje brote ned på meir detaljert nivå. Talet på konkursar er tilgjengeleg på fylkesnivå og nasjonalt nivå, medan omsetning og sysselsette i siste driftsår berre er tilgjengeleg på nasjonalt nivå.

Tabeller:

• Tabell 1 Opna konkursar, etter kvartal og fylke. 2003 og 2004
• Tabell 2 Opna konkursar, etter månad. 1996-2004
• Tabell 3 Opna konkursar, etter næring. 4. kvartal. 2003 og 2004
• Tabell 4 Opna konkursar, omsetning og sysselsette, etter næring. 2003 og 2004
• Tabell 5 Opna konkursar i varehandel, etter næring. 4. kvartal. 2003 og 2004
• Tabell 6 Opna konkursar i varehandel, omsetning og sysselsette, etter næring. 1.-4. kvartal. 2003 og 2004
• Tabell 7 Opna konkursar i informasjonssektoren (IKT-sektoren og innhaldssektoren), omsetning og sysselsette, etter næring. 4. kvartal. 2003 og 2004
• Tabell 8 Opna konkursar, etter etableringsår og fylke. 4. kvartal. 2003 og 2004
• Tabell 9 Opna konkursar, etter fylke og aksjekapital. 4. kvartal. 2003 og 2004
• Tabell 10 Opna konkursar, etter fylke og organisasjonsform. 4. kvartal. 2003 og 2004