Opna konkursar, 3. kvartal 2004

Frå tredje kvartal 2003 til tredje kvartal 2004 har det vore nedgang i talet på opna konkursar i alle fylka utanom Oppland, Sogn og Fjordane, Telemark, Sør-Trøndelag og Nord-Trøndelag. Størst prosentvis nedgang i talet på konkursar i denne perioden var det i Troms, Rogaland og Buskerud med meir enn 40 prosent.

I tredje kvartal 2004 finn vi 20 prosent av dei opna konkursane i Oslo. I Akershus finn vi 10 prosent av dei opna konkursane.

Talet på konkursar i enkeltpersonføretak inkludert personlege konkursar går framleis ned. Samanlikna med tredje kvartal i fjor har det vore ein nedgang på 14 prosent. I same periode har det vore ein nedgang på heile 22 prosent i talet på føretakskonkursar eksklusive enkeltpersonføretak. Innanfor varehandel var det 10 prosent fleire konkursar i enkeltpersonføretak inkludert personlege konkursar, medan det har vore ein nedgang på 23 prosent i talet på opna føretakskonkursar (ekskl. enkeltpersonføretak).

Føretakskonkursane (ekskl. enkeltpersonføretak) utgjer 62 prosent av alle dei opna konkursane.

Færre konkursar i informasjonssektoren

IKT-sektoren og innhaldssektoren utgjer til saman informasjonssektoren. Samanliknar vi tredje kvartal 2003 og tredje kvartal 2004, så har talet på opna konkursar i informasjonssektoren gått ned med 41 prosent. Den største nedgangen finn vi i innhaldssektoren med 64 prosent.

Meir i Statistikkbanken

Opna konkursar attende til 1999 er tilgjengelege i Statistikkbanken. Konkursar kan her fordelast etter næring, organisasjonsform, etableringsår og storleik etter omsetning og sysselsette. Også talet på omsetning og sysselsette totalt innanfor kvar næring er tilgjengeleg, men ikkje brote ned på meir detaljert nivå. Talet på konkursar er tilgjengeleg på fylkesnivå og nasjonalt nivå, medan omsetning og sysselsette i siste driftsår berre er tilgjengeleg på nasjonalt nivå.

Tabeller:

• Tabell 1 Opna konkursar, etter kvartal og fylke. 2003-3. kvartal 2004
• Tabell 2 Opna konkursar, etter månad. 1996-2003 og 1.-3. kvartal 2004
• Tabell 3 Opna konkursar, etter næring. 3. kvartal 2003 og 2004
• Tabell 4 Opna konkursar, omsetning og sysselsette, etter næring. 1.-3. kvartal 2003 og 2004. Omsetning og sysselsette i siste driftsår
• Tabell 5 Opna konkursar i varehandel, etter næring. 3. kvartal 2003 og 2004
• Tabell 6 Opna konkursar i varehandel, omsetning og sysselsette, etter næring. 1.-3. kvartal 2003 og 2004
• Tabell 7 Opna konkursar i informasjonssektoren (IKT-sektoren og innhaldssektoren), omsetning og sysselsette, etter næring. 3. kvartal 2003 og 2004
• Tabell 8 Opna konkursar, etter etableringsår og fylke. 3. kvartal 2003 og 2004
• Tabell 9 Opna konkursar, etter fylke og aksjekapital. 3. kvartal 2003 og 2004
• Tabell 10 Opna konkursar, etter fylke og organisasjonsform. 3. kvartal 2003 og 2004