Opna konkursar, 4. kvartal 2003

Det store konkursåret var 1992 med 5 749 opna konkursar. I 1993 var det 5 158. Etter dette var det årlege talet om lag 3 500 fram til den store auken i 2002 med 4 473.

Store regionale skilnader

Det var berre Oppland som hadde færre konkursar i 2003 enn i 2002, med ein nedgang på om lag 1,5 prosent. Den største auken i talet på konkursar hadde Buskerud, Finnmark, Vest-Agder og Hordaland med 44, 43, 41 og 33 prosent.

20 prosent av alle opna konkursar i 2002 var i Oslo. Det vart opna 1 032 konkursar i Oslo i 2003, ein auke på 7 prosent frå 2002. I Sogn og Fjordane, Telemark, Rogaland og Troms var det òg ein auke på mindre enn 10 prosent i talet på konkursar frå 2002 til 2003.

Størst auke av konkursar innafor bergverksdrift og utvinning samt fiske

Den største auken av konkursar frå 2002 til 2003 er innafor bergverksdrift og utvinning med heile 200 prosent, frå fem til 15 konkursar. Det har òg vore ein stor auke innafor fiske. Her har talet på konkursar auka med 171 prosent, frå 35 i 2002 til 95 i 2003. I finansiell tenesteyting og forsikring har det vore ein auke på 57 prosent, medan talet på konkursar innafor hotell- og restaurantnæringa har auka med om lag 35 prosent.

25 prosent av konkursane i 2003 var i varehandel, reparasjon av køyretøy og hushaldsapparat. I underkant av 19 prosent av konkursane var innafor eigedomsdrift, forretningsmessig tenesteyting og utleigeverksemd, medan 17 prosent var i bygg- og anleggsverksemd.

Meir i Statistikkbanken

I Statistikkbanken finst tal for opna konkursar attende til 1999. Konkursar kan her fordelast etter næring, organisasjonsform, etableringsår og storleik etter omsetning og sysselsette. Også omsetning og sysselsette totalt innafor kvar næring er tilgjengeleg, men ikkje brote ned på meir detaljert nivå. Talet på konkursar er tilgjengeleg på fylkesnivå og nasjonalt nivå, medan omsetning og sysselsette i siste driftsår berre er tilgjengeleg på nasjonalt nivå.

Tabeller:

• Tabell 1 Opna konkursar, etter kvartal og fylke. 2002-2003 (Rettet 27. juli 2004)
• Tabell 2 Opna konkursar, etter månad. 1995-2003 (Rettet 27. juli 2004)
• Tabell 3 Opna konkursar, etter næring. 4. kvartal 2002 og 2003 (Rettet 27. juli 2004)
• Tabell 4 Opna konkursar, omsetning og sysselsette, etter næring. 2002 og 2003. Omsetning og sysselsette i siste driftsår (Rettet 27. juli 2004)
• Tabell 5 Opna konkursar i varehandel, etter næring. 4. kvartal 2002 og 2003 (Rettet 27. juli 2004)
• Tabell 6 Opna konkursar i varehandel, omsetning og sysselsette, etter næring. 2002 og 2003 (Rettet 27. juli 2004)
• Tabell 7 Opna konkursar i IKT-føretak, omsetning og sysselsette, etter næring. 4. kvartal 2002 og 2003 (Rettet 27. juli 2004)
• Tabell 8 Opna konkursar, etter etableringsår og fylke. 4. kvartal 2002 og 2003 (Rettet 27. juli 2004)
• Tabell 9 Opna konkursar, etter fylke og aksjekapital. 4. kvartal 2002 og 2003 (Rettet 27. juli 2004)
• Tabell 10 Opna konkursar, etter fylke og organisasjonsform. 4. kvartal 2002 og 2003 (Rettet 27. juli 2004)