Overnattingar, oktober 2011

Samanlikna med oktober 2010 gjekk omsetninga for hotella opp med 9 prosent, frå 885 millionar til 968 millionar kronar. Prisen per rom steig frå 857 til 886 kroner.

Fleire overnattingar

I oktober i år gjekk både norske og utanlandske overnattingar opp med høvesvis 4 og 3 prosent, samanlikna med oktober i fjor. Yrkesovernattingar samt kurs- og konferanseovernattingar gjekk opp med høvesvis 6 og 4 prosent i same periode, medan ferie- og fritidsovernattingar var om lag uendra.

Fleire av dei store utanlandske marknadene gjekk opp i talet på overnattingar i oktober 2011, med unntak av Tyskland og Nederland som minka.

Oppgang i talet på campingovernattingar

Frå oktober i fjor til oktober i år gjekk talet på campingovernattingar opp med 8 prosent, frå 214 000 til 230 000 overnattingar. Norske og utanlandske campingovernattingar gjekk opp med høvesvis 7 og 11 prosent.

Fleire hyttegrendovernattingar

Talet på hyttegrendovernattingar steig med 4 prosent i oktober 2011 i høve til oktober 2010. I oktober i år var det 2 600 fleire norske hyttegrendovernattingar, og 1 200 fleire utanlandske hyttegrendovernattingar, samanlikna med oktober i fjor.

Auke i talet på overnattingar hittil i år

I perioden januar-oktober 2011 var det 26,2 millionar overnattingar ved norske overnattingsstadar. Dette er ein auke på 2 prosent samanlikna med same periode i 2010. Overnattingar ved hotell- og andre overnattingsbedrifter auka frå 16,1 til 16,8 millionar. Campingplassar og hyttegrender hadde ein nedgong i talet på overnattingar, høvesvis 2 og 6 prosent.

Talet på norske overnattingar hittil i år steig med 3 prosent, frå 18,3 til 18,8 millionar overnattingar. Utanlandske overnattingar gjekk ned med 0,5 prosent frå januar til oktober 2010 samanlikna med same periode 2011.

Tabeller:

• Tabell 1 Hotell og andre overnattingsbedrifter. Opne bedrifter, senger og rom, etter fylke. Oktober. 2010 og 2011
• Tabell 2 Hotell og andre overnattingsbedrifter. Overnattingar, etter gjestene sin nasjonalitet. Oktober. 2010 og 2011
• Tabell 3 Hotell og andre overnattingsbedrifter. Overnattingar og kapasitetsutnytting, etter fylke. Oktober. 2010 og 2011
• Tabell 4 Hotell og andre overnattingsbedrifter. Omsetning og oppnådd pris per rom, etter fylke. Oktober. 2011
• Tabell 5 Hotell og andre overnattingsbedrifter. Overnattingar, etter fylke og formål. Oktober. 2010 og 2011
• Tabell 6 Campingplassar. Talet på campingplassar, etter månad og fylke. 2011
• Tabell 7 Campingplassar. Overnattingar, etter gjestene sin nasjonalitet og fylke. Oktober 2011
• Tabell 8 Campingplassar. Overnattingar, etter overnattingsmåte og fylke. Oktober 2011
• Tabell 9 Hyttegrender. Talet på bedrifter, etter månad og fylke. 2011
• Tabell 10 Hyttegrender. Overnattingar, etter gjestene sin nasjonalitet og fylke. Oktober 2011
• Tabell 11 Overnattingar, etter gjestene sin nasjonalitet og bedriftsgruppe. Oktober 2011