Overnattingar, august 2011

Fleire av dei store utanlandske marknadene gjekk opp i talet på overnattingar i august 2011, med unntak av Danmark og Nederland som gjekk ned med høvesvis 5 og 2 prosent.

Kurs og konferanseovernattingar gjekk opp 2 prosent samanlikna med same månad i fjor, og yrkes- og ferieovernattingar gjekk opp med høvesvis 3 og 5 prosent.

Oppgang i omsetning og nedgang i rompris

Samanlikna med august 2010 gjekk omsetninga for hotella opp med 3 prosent, frå 1,14 milliardar¹ til 1,18 milliardar¹. Prisen per rom fall frå 849 til 830 kroner.

Stadig færre campingovernattingar

Talet på campingovernattingar gjekk ned med 4 prosent frå august i fjor til august i år, frå 1,58 millionar til 1,52 millionar overnattingar. Norske og utanlandske campingovernattingar fall med høvesvis 3 og 5 prosent.

Fleire norske hyttegrendovernattingar

Talet på hyttegrendovernattingar steig med 3 prosent i august 2011 i høve til august 2010. Det var 11 500 fleire norske og 7 200 færre utanlandske hyttegrendovernattingar i august i år samanlikna med august i fjor.

Auke i talet på overnattingar hittil i år

I perioden januar til august 2011 var det 22,2 millionar overnattingar ved norske overnattingsstadar. Dette er ein auke på 2 prosent samanlikna med same periode i 2010. Hotell- og andre overnattingsbedrifter gjekk opp, frå 13 til 13,7 millionar overnattingar. Campingplassar og hyttegrender hadde ein nedgong i talet på overnattingar, på høvesvis 2 og 7 prosent.

Talet på norske overnattingar steig med 3 prosent hittil i år, frå 15,2 til 15,6 millionar overnattingar. Utanlandske overnattingar gjekk ned med 1 prosent frå januar til august 2010 samanlikna med same periode 2011.

Tabeller:

• Tabell 1 Hotell og andre overnattingsbedrifter. Opne bedrifter, senger og rom, etter fylke. August. 2010 og 2011
• Tabell 2 Hotell og andre overnattingsbedrifter. Overnattingar, etter gjestene sin nasjonalitet. August. 2010 og 2011
• Tabell 3 Hotell og andre overnattingsbedrifter. Overnattingar og kapasitetsutnytting, etter fylke. August. 2010 og 2011
• Tabell 4 Hotell og andre overnattingsbedrifter. Omsetning og oppnådd pris per rom, etter fylke. August 2011
• Tabell 5 Hotell og andre overnattingsbedrifter. Overnattingar, etter fylke og formål. Augsust. 2010 og 2011
• Tabell 6 Campingplassar. Talet på campingplassar, etter månad og fylke. 2011
• Tabell 7 Campingplassar. Overnattingar, etter gjestene sin nasjonalitet og fylke. August 2011
• Tabell 8 Campingplassar. Overnattingar, etter overnattingsmåte og fylke. August 2011
• Tabell 9 Hyttegrender. Talet på bedrifter, etter månad og fylke. 2011
• Tabell 10 Hyttegrender. Overnattingar, etter gjestene sin nasjonalitet og fylke. August 2011
• Tabell 11 Overnattingar, etter gjestene sin nasjonalitet og bedriftsgruppe. August 2011