Overnattingar, juli 2011

Fleire av dei store utanlandske marknadene gjekk ned i talet på overnattingar i juli 2011, med unntak av Storbritannia og USA, som auka talet på overnattingar med høvesvis 1 og 11 prosent.

Yrkes- og ferieovernattingar gjekk opp med høvesvis 4 og 6 prosent. Kurs og konferanseovernattingar fall med 10 prosent samanlikna med same månad i fjor.

Oppgang i omsetning og pris per rom

Samanlikna med juli 2010 gjekk omsetninga for hotella opp med 6 prosent, frå 980 millionar til 1 042 millionar. Prisen per rom auka frå 762 til 765 kroner.

Nedgang i norske campingovernattingar

Frå juli i fjor til juli i år gjekk talet på campingovernattingar ned med 3 prosent, frå 2,61 millionar til 2,52 millionar overnattingar. Norske og utanlandske campingovernattingar fall med høvesvis 3 og 5 prosent.

Fleire norske hyttegrendovernattingar

Talet på hyttegrendovernattingar steig med 11 prosent i juli 2011 i høve til juli 2010. Det var 26 500 fleire norske og 3 600 færre utanlandske hyttegrendovernattingar i juli i år samanlikna med juli i fjor.

Auke i talet på overnattingar hittil i år

I perioden januar-juli 2011 var det 18,2 millionar overnattingar ved norske overnattingsstadar. Dette er ein auke på 2 prosent samanlikna med same periode i 2010. Hotell og andre overnattingsbedrifter sto for oppgangen, frå 10,8 til 11,4 millionar overnattingar. Campingplassar og hyttegrender hadde ein nedgong i talet på overnattingar, på høvesvis 2 og 9 prosent.

Talet på norske overnattingar har stige med 3 prosent hittil i år, frå 12,7 til 13 millionar overnattingar. Utanlandske overnattingar gjekk ned med 1 prosent frå januar til juli 2010 samanlikna med same periode 2011.

Tabeller:

• Tabell 1 Hotell og andre overnattingsbedrifter. Opne bedrifter, senger og rom, etter fylke. Juli. 2010 og 2011
• Tabell 2 Hotell og andre overnattingsbedrifter. Overnattingar, etter gjestene sin nasjonalitet. Juli. 2010 og 2011
• Tabell 3 Hotell og andre overnattingsbedrifter. Overnattingar og kapasitetsutnytting, etter fylke. Juli. 2010 og 2011
• Tabell 4 Hotell og andre overnattingsbedrifter. Omsetning og oppnådd pris per rom, etter fylke. Juli 2011
• Tabell 5 Hotell og andre overnattingsbedrifter. Overnattingar, etter fylke og formål. Juli. 2010 og 2011
• Tabell 6 Campingplassar. Talet på campingplassar, etter månad og fylke. 2011
• Tabell 7 Campingplassar. Overnattingar, etter gjestene sin nasjonalitet og fylke. Juli 2011
• Tabell 8 Campingplassar. Overnattingar, etter overnattingsmåte og fylke. Juli 2011
• Tabell 9 Hyttegrender. Talet på bedrifter, etter månad og fylke. 2011
• Tabell 10 Hyttegrender. Overnattingar, etter gjestene sin nasjonalitet og fylke. Juli 2011
• Tabell 11 Overnattingar, etter gjestene sin nasjonalitet og bedriftsgruppe. Juli 2011